ચૈડવિકના નિધનની પુષ્ટી પરિવાર તરફથી કરવામાં આવેલા એક નિવેદનમાં થઈ હતી. આ નિવેદન ચૈડવિકના આધિકારીક ટ્વિટર એકાઉન્ટ પરથી પોસ્ટ કરવામાં આવ્યું હતું, જેમાં ચૈડવિકની એક હસતા હોય તેવી તસવીર પણ પોસ્ટ કરવામાં આવી હતી.
આ ટ્વિટ પર માત્ર એક કલાકની અંદર જ એક મિલિયનથી વધુ લાઈક આવી ગયા હતા અને 24 કલાકથી ઓછા સમયમાં ટ્વિટરના ઈતિહાસનું સૌથી વધુ લાઈક કરનારુ ટ્વિટ બની ગયું હતું. અત્યાર સુધીમાં 6.8 મિલિયન એટલે કે 68 લાખ લોકો લાઈક કરી ચૂક્યા છે.
ટ્વિટરના આધિકારીક હેન્ડલ પરથી આ વાતની જાણકારી આપવામાં આવી હતી. જેમાં લખ્યું હતું, અત્યાર સુધી સૌથી વધુ લાઈક થનારૂ ટ્વિટ. કિંગને સૌથી સટીક શ્રદ્ધાંજલિ.