ફિલ્મ નિર્માતા દિનેશ વિઝાને કહ્યું કે, “અંગ્રેજી મીડિયમના સફરને હું જીંદગીભર યાદ રાખીશ. ફિલ્મને ભારત સહિત દુબઈ તથા અન્ય આંતરરાષ્ટ્રીય ક્ષેત્રોમાં પ્રસંશા મળી છે. જો કે, અનપેક્ષિત પરિસ્થિતિઓને કારણે આ ફિલ્મ કેરળ, દિલ્હી અને જમ્મુ કાશ્મીરમાં રિલીઝ નહીં થાય. યોગ્ય સમય આવવા પર આ જગ્યાએ રિલીઝ કરવામાં આવશે. ”
કોરોના વાયરસની અસર ભારતમાં પણ વધી રહી છે. ભારતમાં કોરોના વાયરસના કેસની સંખ્યા વધીને 81 થઈ છે. એવામાં કેરળ, જમ્મુ અને દિલ્હીમા સ્કૂલ-કૉલેજ સાથે સાથે થિયેટર્સ પણ 31 માર્ચ સુધી બંધ કરવાનો નિર્ણય લેવામાં આવ્યો છે.