ક્રિકેટર હાર્દિક પંડ્યા બોલીવુડની આ અભિનેત્રીને કરે છે ડેટ, એરપોર્ટ પર જોવા મળ્યા સાથે, જાણો

થોડા સમય પહેલા એલી અવરામ એક કોમેડી શોને હોસ્ટ કરતી જોવા મળી હતી. આ શોમાં અભિનેતા અક્ષય કુમાર જજ તરીકે સામેલ થયો હતો.

થોડા સમય પહેલા એલી અવરામનો એક ડાંસ વીડિયો વાયરલ થયો હતો તેમાં તે એક ફિલ્મના ગીત પર ડાંસ કરતી જોવા મળી હતી. હાર્દિક પંડ્યાના ભાઈ કૃણાલ પંડ્યાના લગ્નમાં એલી અવરામ ખૂબ જ સુંદર અંદાજમાં જોવા મળી હતી. એલી લગ્નના ફંક્શનમાં હાર્દિકના પરિવાર સાથે જોવા મળી હતી.

એરપોર્ટ પર એલી અવરામ કારમાં બેઠેલી જોવા મળી હતી, તો હાર્દિક પંડ્યા એરપોર્ટ અંદર જતો જોવા મળ્યો હતો. એલીએ કેમેરો જોતા જ પોતાનો ચહેરો છુપાવ્યો હતો. જ્યારે હાર્દિક પંડ્યા કેમેરાને ફેસ કરતો જોવા મળ્યો હતો.

મુંબઈ: ભારતીય ક્રિકેટ ટીમના ઓલરાઉન્ડર હાર્દિક પંડ્યા બોલીવુડ અભિનેત્રી એલી અવરામને ખૂબ લાંબા સમયથી ડેટ કરી રહ્યો છે. બંને ઘણી વખત સાથે પણ જોવા મળે છે પરંતુ તેમણે એકબીજાને હંમેશા સારા મિત્રો ગણાવ્યા છે. હાલમાં જ બંનેના રિલેશનને લઈને ચર્ચાઓએ ફરી એક વખત જોર પકડ્યું છે, જ્યારે બંને એરપોર્ટ પર એકસાથે જોવા મળ્યા હતા.