આ વેશને લીધે ઉશ્કેરાયેલા લોકોએ ફિલ્મના શૂટિંગને રોકવાની માગ કરી છે. સ્થાનિકોએ કહ્યું કે આ ગીતને લીધે હિન્દુઓની ભાવનાને ઠેંસ પહોંચી છે. કોઈ ફિલ્મના ગીતમાં સાધુ-સંતોને ડાન્સ કરાવવો એ યોગ્ય નથી.
સમાજસેવક અશ્વિન જોશીએ દબંગ-3ના શૂટિંગની ફરિયાદ ભોપાલના NGTને મોકલી છે. તેમણે ઈ-મેઈલમાં લખ્યું છે કે આ શૂટિંગને લીધે નર્મદા નદી અને કિલ્લાની આજુબાજુની જમીનને નુકસાન થઈ રહ્યું છે. પવિત્ર નર્મદાના કિનારે નોનવેજ બનાવવા કે દારૂના સેવન પર પ્રતિબંધ છે. તેમ છતાં આ શૂટિંગને લીધે તે પવિત્રતા નષ્ટ થઈ રહી છે.