Dalljiet Kaur Griha Pravesh At Nikhil House: નાના પડદાની જાણીતી અભિનેત્રી દલજીત કૌરે (Dalljiet Kaur) હવે બીજી વખત લગ્ન કરીને નવું જીવન શરૂ કર્યું છે. પ્રેમ અને લગ્નને બીજી તક આપીને તે ખૂબ જ ખુશ છે. અભિનેત્રીએ તાજેતરમાં જ બીજા લગ્ન ખૂબ જ ધામધૂમથી કર્યા છે અને તે ભારતથી દક્ષિણ આફ્રિકા પણ આવી ગઈ છે. દલજીતની (Dalljiet Kaur) કેન્યામાં સારી હાઉસવોર્મિંગ સેરેમની થઈ હતી, જેની ઝલક સામે આવી છે.
દલજીતનું તેના સાસરે આ રીતે સ્વાગત થયું
નિખિલ પટેલે ઇન્સ્ટા સ્ટોરી પર શેર કરેલા વીડિયો દ્વારા બતાવ્યું કે કેવી રીતે લગ્ન પછી તે અને તેની પત્ની દલજીત કૌરનું (Dalljiet Kaur) કેન્યાના ઘરે સ્વાગત કરવામાં આવ્યું. રૂમમાં દંપતીનું ગુલાબના ફૂલથી સ્વાગત કરવામાં આવ્યું હતું. આખા રૂમમાં ગુલાબના ફૂલો ફેલાયેલા હતા, બેડ પર 'ટેક 2 ડીએન' લખેલું હતું અને ટેબલ પર શેમ્પેનની બોટલ અને ગ્લાસ રાખવામાં આવ્યા હતા. આ વીડિયોને શેર કરતા નિખિલે કેપ્શનમાં લખ્યું કે, "જ્યારે તમારો વટુ પરિવાર તેને સજાવવા માટે ઘરમાં પ્રવેશે છે. ચીયર્સ!”
તે જ સમયે દિલજીત કૌરે તેની ઇન્સ્ટા સ્ટોરી પર ઘણી તસવીરો પણ શેર કરી છે. જેના દ્વારા અભિનેત્રીએ જણાવ્યું છે કે તેણીએ તેના સાસરે આવતાની સાથે જ તેનો સામાન ખોલવાનું શરૂ કરી દીધું છે. તે તેના પતિના રૂમમાં પોતાનો સામાન સેટ કરતી જોવા મળી હતી.
દલજીત કાયમ માટે કેન્યા શિફ્ટ થઈ ગઇ
અગાઉ, દલજીત કૌરે તેની કેટલીક તસવીરો શેર કરી હતી અને જાહેરાત કરી હતી કે તે આખરે સત્તાવાર રીતે કેન્યા શિફ્ટ થઈ ગઈ છે. ફોટામાં તે તેના પતિ સાથે આરામદાયક જોવા મળી હતી. અભિનેત્રીએ કેપ્શનમાં લખ્યું, “આજે આખરે સત્તાવાર રીતે કેન્યા શિફ્ટ થઈ ગઈ. ઘણી બધી ઘેલછા, ઘણી બધી ખુશીઓ, ઘણી બધી સુંદર યાદો... જાદુ શરૂ થવા દો."
જણાવી દઈએ કે દલજીત અને નિખિલ બંનેના આ બીજા લગ્ન છે. નિખિલને બે દીકરીઓ છે, જ્યારે દલજીતને એક દીકરો છે.