પોતાના રોલ મોડલ ગોવિંદાને મળ્યા ડબ્બૂ અંકલ, બંનેએ એકસાથે કર્યો ડાન્સ

ડબ્બૂ અંકલ આ પહેલા સલમાનના શો 'દસ કા દમ'માં પણ જોવા મળ્યા હતા. સલમાન સાથે 'પાર્ટનર' ફિલ્મના ગીત પર તેમણે ડાન્સ કર્યો હતો.

ડબ્બૂ અંકલ અને ગોવિંદાને સાથે લાવવા માટે ડાન્સ દીવાને શોના મેકર્સે સ્પેશિયલ એપિસોડ બનાવ્યો હતો. જેમાં ગોવિંદા સ્પેશિયલ જજ બનીને આવ્યા હતા.

મુંબઈ: ગોવિંદાના ગીત પર ડાંસ કરી રાતોરાત સ્ટાર બનેલા ડબ્બૂ અંકલ એટલે કે પ્રોફેસર સંજીવ શ્રીવાસ્તવનું સપનું આખરે પૂર્ણ થયું છે. ડબ્બૂ અંકલને ગોવિંદા સાથે ડાન્સ કરવાની તક મળી. સોશિયલ મીડિયા પર પોતાના ડાન્સથી લોકોને દિવાના બનાવનારા ડબ્બૂ અંકલ ગોવિંદાના બહુ મોટા ફેન છે. વીડિયો વાયરલ થયા બાદ તેમના ડાન્સની તુલના ગોવિંદા સાથે કરવામાં આવે છે.

માધુરી દીક્ષિતના ડાન્સિંગ શો 'ડાંસ દિવાને' સેટ પર ગોવિંદા અને ડબ્બૂ અંકલની મુલાકાત થઈ હતી. સેટ પર ગોવિંદાને જોતા જ ડબ્બૂ અંકલ તેને પગે લાગ્યા. ગોવિંદાએ ડબ્બૂ અંકલને ગળે લગાવી દીધા. જે બાદ બંનેએ ખૂબ ડાંસ કર્યો. ગોવિંદા સાથે તેમણે ફિલ્મ ખુદગર્ઝના ગીત 'આપ કે આ જાને સે' પર સિગ્નેચર સ્ટેપ્સ કર્યા. માધુરીએ પણ તેમની સાથે ડાંસ કર્યો હતો.