બોલિવૂડમાં હિટ થવા આ એક્ટ્રેસને મળી હતી સર્જરી દ્વારા બ્રેસ્ટ મોટા કરવાની સલાહ!

મુંબઈઃ દીપિકા પાદુકોણ આજે બોલિવૂડની હાઈએસ્ટ પેડ એક્ટ્રેસમાંથી એ છે, પરંતુ એક સમય હતો જ્યારે તેને આ ઇન્ડસ્ટ્રીમાં રહેવા માટે અનેક સલાહ આપવામાં આવતી હતી. દીપિકાએ એક ઇન્ટરવ્યૂમાં કહ્યું કે, કોઈએ તેને બ્રેસ્ટ સર્જી કરવાની સલાહ પણ આપી હતી.

રિપોર્ટ અનુસાર, દીપિકાને સંજય લીલા ભણસાલીની ફિલ્મ ‘પદ્માવત’માં લીડ રોલ માટે 12 કરોડ રૂપિયા મળ્યા હતા. આ ફિલ્મમાં તેને પોતાના કો-સ્ટાર્સ રણવીર સિંહ અને શાહિદ કપૂરથી પણ વધુ ફી મળી હતી.

‘ઓમ શાંતિ ઓમ’ બાદ દીપિકાએ સ્પીડ પકડી. કેટલીક ફ્લૉપ ફિલ્મોને છોડી દઈએ તો તેનું અત્યાર સુધીનું કરિયર સુપરહિટ રહ્યું છે. ગત વર્ષે તેણે ‘XXX – રીટર્ન ઑફ જેંન્ડર કેઝ’થી હોલિવૂડમાં ડેબ્યૂ કર્યું હતું.

પોતાના ડેબ્યૂ વિશે વાત કરતા દીપિકાએ કહ્યું કે, ‘ઓમ શાંતિ ઓમ મારા માટે ડ્રીમ ડેબ્યૂ હતી. અદભુત કાસ્ટ, સુપર મ્યૂઝિક અને સૌથી મોટી વાત મારો હીરો શાહરુખ ખાન હતો.’

એક સામયિકને આપેલ ઇન્ટરવ્યૂમાં દીપિકાએ જણાવ્યું કે, ‘મને કારકિર્દીની શરૂઆતમાં ઘણી સલાહો મળતી હતી. બ્રેસ્ટ સર્જરી કરાવવાની, બ્યૂટી કૉન્ટેસ્ટમાં ભાગ લેવાની. સલાહકારોને લાગતુ હતું કે, આ કારણે પ્રોડ્યૂસર્સ મને નોટિસ કરશે અને ફિલ્મોમાં કામ આપશે. પણ હું એ પ્રકારની માનસિકતા ધરાવતી નહોતી.’