દિયા મિર્ઝાએ ઈન્સ્ટાગ્રામ પર પોસ્ટ લખીને કહ્યું કે, બંને સહમતિથી છૂટા પડી રહ્યા છે. દિયાએ લખ્યું, “11 વર્ષ સુધી એકબીજા સાથે જિંદગી જીવ્યા બાદ અમે પરસ્પર સંમતિથી છૂટા પડવાનો નિર્ણય લીધો છે. અમે હંમેશા એકબીજાના મિત્રો બનીને રહીશું. એકબીજાને પ્રેમ અને સન્માન આપીશું. અમારી જિંદગીના રસ્તા અલગ થઈ ગયા છે પરંતુ અમે સાથે વિતાવેલા વર્ષો ખૂબ સારા હતા. જેના માટે અમે આભારી રહીશું. અમને સમજવા માટે અમારા પરિવાર અને મિત્રોનો આભાર.”
જણાવી દઈએ કે, દિયાએ ઓક્ટોબર 2014માં સાહિલ સંઘા સાથે લગ્ન કર્યા હતા. લગ્ન પહેલા બંને બિઝનેસ પાર્ટનર હતા. દિયા એક્ટર, મોડલ અને પ્રોડ્યુસર છે. વર્ષ 2000માં મિસ એશિયા પેસેફિક રહી ચૂકી છે.