Trending Video: કેટલાક પ્રાણીઓ એવા હોય છે, જેનો માણસો સાથે સુંદર સંબંધ હોય છે. એ જ પ્રાણીઓમાં હાથી પણ આવે છે. હાથીઓનો સંબંધ માનવી સાથે પણ અતૂટ છે. બોલિવૂડમાં ''હાથી મેરે સાથી'' જેવી ફિલ્મ પણ બની છે. માનવીના હાથી સાથેના આ સંબંધને સાબિત કરતો જ એક વીડિયો સોશિયલ મીડિયા પર ઝડપથી વાયરલ થઈ રહ્યો છે.
હાથીએ માણસનો જીવ બચાવ્યોઃ
સોશિયલ મીડિયા પર વાયરલ થયેલા વીડિયોમાં જોઈ શકાય છે કે એક વ્યક્તિ પાણીમાં ડૂબી રહ્યો હતો. ત્યાંથી પસાર થતા એક હાથીના બચ્ચાએ આ વ્યક્તિને જોયો કે તરત જ તે તેને બચાવવા આવ્યો. હાથીના એક બાળકે પોતાના જીવની પરવા કર્યા વિના આ વ્યક્તિને બચાવવાનો પ્રયાસ કર્યો અને તે નદીમાં કૂદી પડ્યો. જો કે, હાથીના બચ્ચાને ખબર નહોતી કે, માણસ ડૂબી નથી રહ્યો પણ તરી રહ્યો છે. જો કે, આ નાના હાથીએ તે વ્યક્તિ પાસે જઈને તેને કિનારા પર લાવ્યો હતો.
વીડિયો વાયરલ થયોઃ
આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. આ વીડિયો જોયા બાદ સોશિયલ મીડિયા યુઝર્સ પોતાની પ્રતિક્રિયા આપી રહ્યા છે. ડૂબતા માણસને જોયા પછી, હાથી વિલંબ કર્યા વિના માણસને બચાવવાનો પ્રયાસ કરે છે. સોશિયલ મીડિયા યુઝર્સ આ સીન જોયા બાદ રિએક્શન આપી રહ્યા છે. આ વીડિયોને @bengoldsmith નામના યુઝરે સોશિયલ મીડિયા પ્લેટફોર્મ ટ્વિટર પર શેર કર્યો છે. આ વીડિયોને 7.3 મિલિયન લોકોએ જોયો છે. આ વીડિયોને 9 હજારથી વધુ લોકોએ લાઈક કર્યો છે.