હવે બોક્સર બનશે ફરહાન અખ્તર, છ વર્ષ પછી રાકેશ ઓમપ્રકાશ મેહરા સાથે કરશે કામ, જાણો વિગત

એક્ટરે ટ્વિટ કરીને લખ્યું કે, ભાગ મિલ્ખા ભાગના 6 વર્ષ બાદ રાકેશ ઓમપ્રકાશ મેહરા અને હું ‘તુફાન’ લઈને એક સાથે આવી રહ્યા છે. જે એક બોક્સરની કહાની છે. આ નવી જર્નીની શરૂઆત માટે તમારા સૌની શુભકામના ઈચ્છું છું.

મુંબઈઃ બોલીવુડમાં સ્પોર્ટ્સ ડ્રામા મુવી બનાવવાનો ટ્રેન્ડ ચાલી રહ્યો છે. મિલ્ખા સિંહની બાયોપિક ‘ભાગ મિલ્ખા ભાગ’ બાદ રાકેશ ઓમપ્રકાશ મેહરા અને ફરહાન અખ્તરની જોડી 6 વર્ષ બાદ ફરી સાથે આવવાની છે.

ફરહાન અખ્તરે કરેલા ટ્વિટનો સ્ક્રીનશોટ.

રાકેશ ઓમ પ્રકાશના નિર્દેશનમાં એક બોક્સરની દર્દભરી સ્ટોરી પર ફિલ્મ બનવા જઈ રહી છે. જેમાં ફરહાન અખ્તર લીડ રોલમાં રહેશે. મૂવીનું નામ તુફાન છે. આ ફિલ્મમાં તે સિલ્વર સ્ક્રીન પર બોક્સરના રોલમાં નજરે પડશે.