ગૌરી ખાને એક જાણીતા પેન્ટરની પેઇન્ટિંગની તસવીર પોતાના સત્તાવાર ટ્વિટર એકાઉન્ટ પર શેર કરી હતી. આ તસવીર સોશિયલ મીડિયા યૂઝર્સને પસંદ ન આવી અને તને અશ્લીલ ગણાવતા ગૌરી પર ફડક્યા હતા. આ તસવીરને લઈને ગૌરી ખાનની પોસ્ટ પર અનેક અભદ્ર કોમેન્ટ આવી હતી.
એક યુઝરે લખ્યું કે, શાહરૂખનું નામ બદનામ ન કરો અને આને તરત જ ડિલીટ કરો. બીજા ફેને લખ્યું, મેડમ હું જાણવા માંગુ છું કે તમે ઘણાં જ ખુલ્લા અને મોર્ડન વિચારોની મહિલા છો પરંતુ આવી તસવીર ઘરમાં લગાવવી તે તમારી ભૂલ છે. શાહરૂખનું નામ ખરાબ થઇ શકે છે, તે સાચ્ચો પ્રેમી છે અને આ અશ્લીલતાની હદ છે.
ગૌરી ખાનની આ પોસ્ટને લઈને સોશિયલ મીડિયામાં યૂઝર્સનો ગુસ્સો જોઈને અંતે તેણે પેઇન્ટિંગવાળી પોસ્ટ ડિલિટ કરવાની ફરજ પડી હતી.