મુંબઈ: છેલ્લા કેટલાંય સમયથી પોતાના અફેરને કારણે ચર્ચામાં રહેલા બોલિવૂડ કપલ મલાઈકા અરોરા અને અર્જુન કપૂર તાજેતરમાં વેકેશન માણવા અમેરિકા ગયા હતાં. હવે આ કપલ વેકેશનની મજાઓ માણીને પરત ફર્યું છે.
પોતાના સંબંધો પર લાંબા સમય સુધી મૌન રહ્યાં બાદ અર્જુન અને મલાઈકા હવે ખૂબ જ ખુલ્લેઆમ ફરી રહ્યા છે. ડિનર પાર્ટીથી લઈને કોઈપણ ફિલ્મના સ્ક્રિનિંગ સુધી બન્ને સાથે જ જોવા મળી રહ્યાં છે.
થોડા દિવસ પહેલાં જ બન્ને એક-બીજાની તસવીરો પર કોમેન્ટ કરતાં જોવા મળ્યાં હતાં. ન્યૂ યોર્કમાંથી પોસ્ટ કરાયેલી અર્જુન કપૂરની તસવીર પર મલાઈકાએ કમેન્ટ કરી હતી કે, મારા કારણે જ તું સારો લાગે છે.
એરપોર્ટ પર મલાઈકાએ સફેદ લોંગ શર્ટ, બ્લેક લેગિંગ્સ સાથે બ્લેક બૂટ્સ પહેરીને જોવા મળ્યાં હતાં. આ સાથે જ તેણે બ્લેક ગોગલ્સ પણ લગાવ્યા હતાં.
આ લુકમાં મલાઈકા ખૂબ જ કોન્ફિડન્ટ અને સ્ટાઈલિશ લાગતી હતી. જ્યારે અર્જુન કપૂર એરપોર્ટ પર બ્લેક ટીશર્ટ, બ્લૂ ડેનિમમાં કુલ લાગી રહી હતી.