રીતિક રોશને કરી કંગના રનૌત સામે 29 પેજની ફરિયાદ, જાણો શું લગાવ્યા આરોપ

રીતિકના સલાહકારે કંગના તરફથી લગાવેલા દરેક આરોપને ખોટા ગણાવ્યા હતાં. આ પહેલા કંગનાની ટીમ તરફથી કહેવામાં આવ્યું હતું કે આ કેસ બંધ થઇ ચૂક્યો છે પરંતુ મુંબઇ પોલીસે કન્ફર્મ કર્યું છે કે આ કેસ હજુ બંધ નથી થયો.

અભિનેત્રી કંગના રનૌતે એક ટીવી ચેનલને આપેલા ઇન્ટરવ્યૂમાં અભિનેતા રીતિક રોશન પર અનેક આરોપ લગાવ્યાં હતાં. ત્યારબાદ રીતિક રોશને જવાબ આપ્યો નહોતો પરંતુ હવે રીતિક રોશને કંગનાની સામે 29 પેજની ફરિયાદ નોંધાવી છે. આ ફરિયાદમાં કંગના વિરૂદ્ધ અનેક આરોપ લગાવવામાં આવ્યા છે.

આ 29 પેજના ફરિયાદ પત્રમાં રીતિકના સલાહકારે લખ્યું છે કે રીતિક અને કંગનાના પ્રોફેશનલ સંબંધો રહ્યાં છે. તેણે પોતાના અને તેના પિતાની બર્થડે પાર્ટીમાં કંગનાને એ જ રીતે બોલાવ્યો હતો. જેવી રીતે ઇન્ડસ્ટ્રીના અન્ય લોકોને બોલાવ્યા હતાં.

એક વેબસાઇટની રિપોર્ટ અનુસાર રીતિકે પોતાના ફોન અને લેપટોપ પોલીસને સોંપ્યા છે. રીતિક તરફથી તેના વકીલ દ્વારા કરાયેલી ફરિયાદમાં લખ્યું છે કે કંગના વારંવાર તેનો પીછો કરતી હતી. અને તેણે રીતિકને પોતાનું ઇન્ટરનલ લવર જણાવ્યો હતો. જેમાં એ પણ લખાયું છે કે પોતાની શિષ્ટતા બતાવતા રીતિકે કંગનાના મેઇલ ઇગ્નોર કર્યા હતાં. આ સાથે જ કંગના પર સેક્સ્યુઅલી એક્સ્પિલસીટ મેઇલ મોકલવાનો પણ આરોપ લગાવ્યો હતો.