BB11: સપના ચૌધરીના ઠુમકા જોઈ સલમાન ખાન થયો કાયલ, જુઓ તસવીરો

સપના ચોધરીના વીડિયો યૂટ્યૂબ પર પબ્લિશ કરવામાં આવે તો આ વીડિયો જોનારાની સંખ્યા કરોડોમાં પહોંચી જાય છે.

સપના ચૌધરીએ આ શો માં આમ આદમીના ભાગરૂપે એંટ્રી લીધી છે, પરંતુ સપના કોઈ સેલિબ્રિટીથી કમ નથી. સપના ચૌધરી જ્યારે ડાંસ કરી રહી હતી ત્યારે સલમાન ખાને પણ તેની સાથે ડાંસ કર્યો હતો.

મુંબઈ: સૌથી વિવાદાસ્પદ રિયાલિટિ ટીવી શો બિગ બોસ-11ની શરૂઆત થઈ ગઈ છે. રવિવારે સલમાન ખાનના પરફોર્મની સાથે આ શો ની શરૂઆત થઈ હતી. હરિયાણાની ફેમસ ડાંસર સપના ચૌધરીએ પણ આ સીઝનમાં ભાગ લીધો છે. તેણે પ્રીમિયર દરમિયાન ખાસ પરફોર્મ કરીને લોકોના દિલ જીત્યા હતા. ઉલ્લેખનિય છે કે સપના ચૌધરી ખૂબ જ ફેમસ ડાંસર છે અને યૂટ્યૂબ પર તેના વીડિયોમાં કરોડો લાઈક્સ મળે છે.

સલમાન ખાને સપના ચૌધરીની પ્રશંસા કરતા જણાવ્યું કે જ્યારે તે ઓડિશન આપવા માટે પહોંચી તો મેકર્સને સૌથી વધારે મુશ્કેલીનો સામનો કરવો પડ્યો, કારણ કે ત્યાં દરેક લોકો સપના સાથે સેલ્ફી લેવા માંગતા હતા.