કામ્યા અને શલભના લગ્નનું કાર્ડ સોશિયલ મીડિયા પર વાયરલ થઈ રહ્યું છે. કાર્ડ સામે આવ્યા બાદ કપલના ફેંસ લગ્નને લઈ ઘણા ઉત્સાહિત છે. 10 ફેબ્રુઆરી દિલ્હી નિવાસી શલભ ડાંગ સાથે તે લગ્નના બંધનમાં બંધાશે અને તેની તૈયારી પણ શરૂ કરી દેવામાં આવી છે.
થોડા સમય પહેલા કામ્યાએ મીડિયા સાથે વાતચીતમાં કહ્યું હતું, અમે ક્યારે લગ્ન કરવાના છીએ તેનો ખુલાસો ન કરી શકું પરંતુ લગ્નની તૈયારી ચાલી રહી છે. અમે લોકો ખૂબ ઉત્સાહિત છીએ. મેં પહેલા જ મારા મિત્રોને કહી દીધું હતું કે તેઓ તૈયારી કરી લે.
થોડા મહિના પહેલા કામ્યા પંજાબીએ કરવાચોથનું વ્રત પણ રાખ્યું હતું અને તેની કેટલીક તસવીરો ઈન્સ્ટાગ્રામ પર શેર કરી હતી. કામ્યા સતત તેની તસવીરો સોશિયલ મીડિયા પર શેર કરતી રહે છે. (તસવીર સૌજન્યઃ ઈન્સ્ટાગ્રામ)