કંગનાની મણિકર્ણિકા વિવાદોમાં, એક્ટરે નિર્માતાઓ સામે કરી દીધી ફરિયાદ, કહ્યું- ટ્રેલર રિલીઝ થયુ પણ મને હજુ પૈસા નથી મળ્યા

વૉચ ઇઝે લખ્યુ કે, આજે મણિકર્ણિકાનું ટ્રેલર રિલીઝ થઇ ગયુ છે, મને હજુ પણ પ્રૉડક્શન હાઉસમાંથી મારા કામના પુરા પૈસા નથી આપવામાં આવ્યા.

ઉલ્લેખનીય છે કે ફિલ્મનું ટ્રેલર મંગળવારે રિલીઝ કરી દેવામાં આવ્યુ છે, જ્યારે ફિલ્મ આગામી 25 જાન્યુઆરીએ રિલીઝ થવાની છે. યુટ્યૂબ પર ફિલ્મનું ટ્રેલર ખુબ વાયરલ થઇ રહ્યુ છે. એક્ટર વૉચ ઇઝે પોતાનો ગુસ્સો ટ્વીટર પર ઠાલવ્યો હતો.

ફિલ્મમાં કામ કરી રહેલા એક્ટર એન્ડી વૉચ ઇઝે નિર્માતાઓ પર પોતાને ફીની પુરેપુરી રકમ ના ચૂકવવાનો આરોપ લગાવ્યો છે. એક્ટર વૉચ ઇઝે ફિલ્મમાં અંગ્રેજી ઓફિસરની ભૂમિકા નિભાવી છે. આ ફિલ્મનુ પ્રૉડક્શન જી સ્ટુડિયોઝે કમલ અને નિશાંત જૈનની સાથે મળીને કર્યુ છે. ફિલ્મમાં કંગના લીડ રૉલમાં છે.

નવી દિલ્હીઃ કંગના રનૌતની ફિલ્મ મણિકર્ણિકા આગામી 25 જાન્યુઆરીએ રિલીઝ થઇ રહી છે, હવે સમાચાર આવ્યા છે કે ફિલ્મ રિલીઝ પહેલા જ વિવાદોમાં ફસાઇ છે. ફિલ્મના એક્ટરે પોતાને પૈસા ના ચૂકવવાનો આરોપ લગાવ્યો છે.