આ વીડિયોને કાર્તિકના ચાહકે ઈન્સ્ટાગ્રામ પર શેર કર્યો છે. આ વીડિયો મુજબ, કોઈ રોમેન્ટિક સોન્ગનું શૂટિંગ કરવામાં આવી રહ્યું છે. વીડિયોમાં કાર્તિક અને કિયારા રોમાન્સ કરતા નજર આવી રહ્યાં છે. આ વીડિયો હાલ સોશિયલ મીડિયા પર વાયરલ થઈ રહ્યો છે.
કિયારા આ પહેલા ફિલ્મ ‘કબીર સિંહ’ અને 'ગુડ ન્યૂઝ'માં નજર આવી હતી. જેમાં તેની એક્ટિંગને દર્શકોએ ખૂબ પસંદ કરી હતી. ત્યારે હવે ‘ભુલભુલૈયા-2’થી કિયારા એક અલગ જ લવ કેમેસ્ટ્રી સાથે જોવા મળશે. ‘ભુલભુલૈયા-2’નું નિર્દેશન અનીસ બાજમી દ્વારા કરવામાં આવી રહ્યું છે.