લગ્ન બાદ સોનમ કપૂરની ભાભી બની ગઈ દીપિકા, જાણો કેવી રીતે

મુંબઈઃ બોલીવુડ એક્ટર દીપિકા પાદુકોણ અને રણવીર સિંહે ઈટાલીના લેક કોમોમાં અંગત સ્નેહીજનો વચ્ચે લગ્ન કરી લીધા છે. રણવીર સાથે લગ્ન બાદ દીપિકા હવે સોનમ-અર્જુન કપૂરની સંબંધી બની ગઈ છે. દીપિકા અને અને સોનમ વચ્ચે નણંદ-ભાભીનો સંબંધ થઈ ગયો છે.

રણવીર સિંહ અને અનિલ કપૂરના પરિવાર વચ્ચે ગાઢ સંબંધ છે. સોનમ કપૂરના લગ્નમાં રણવીર સિંહે ખૂબ અન્જોય કર્યો હતો અને મન મૂકીને નાચ્યો હતો.

રણવીર સિંહ સિંધી પરિવારમાંથી આવે છે. રણવીરના દાદા અને સોનમ કપૂરની નાની ભાઈ-બહેન છે. આ હિસાબે રણવીર સિંહ અને સોનમ કપૂરમાં પણ ભાઈ-બહેનનો સંબંધ છે. તેથી સોનમ-દીપિકા પણ સંબંધી બની ગયા છે. સોનમ અને અર્જુન કપૂરે સોશિયલ મીડિયા પર દીપવીરને લગ્નના અભિનંદન આપ્યા હતા.

પારંપારિક રીત-રિવાજથી લગ્ન સંપન્ન થયા બાદ કપલે પહેલીવાર તસવીરો જાહેર કરી હતી. દીપિકા અને રણવીરે ટ્વિટર એકાઉંટ પર બંનેની તસવીરો શેર કરી હતી. આ તસવીરો શેર કરતાની સાથે જ સોશિયલ મીડિયા પર વાયરલ થઈ રહી છે.

બોલીવૂડ અભિનેતા રણવીર સિંહ અને દીપિકા પાદૂકોણના લગ્નની પ્રથમ તસવીર સામે આવી છે. 14-15 નવેમ્બરને લગ્ન કર્યા બાદ છેલ્લા બે દિવસથી ફેન્સ આ કપલની તસવીરોની રાહ જોઈ રહ્યું હતું. બંને સ્ટાર કપલે સિંધી અને કોંકણી રીતિરીવાજથી લગ્ન કર્યા છે.