Lalit Kumar Modi Sushmita Sen Dating : લલિત મોદી અને સુષ્મિતા સેન સાથે લગ્ન કર્યા હોવાનું ટ્વીટ કર્યું છે. લલિત મોદીએ કરેલા ટ્વીટમાં દેખાય છે કે, તે સુષ્મિતા સેન સાથે રોમેન્ટિક પળો માણી રહ્યા છે. લલિત મોદીએ કરેલા ટ્વીટમાં લખ્યું છે કે, પરિવાર સાથે વર્લ્ડ ટુર કરીને હાલ જ લંડન પરત ફર્યો છું. આ દરમિયાન લલિત મોદીએ 'બેટરહાલ્ફ' તરીકે સુષ્મિત સેનનું નામ લખ્યું છે. અને નવા જીવનની શરુઆત થઈ રહી છે. આ સાથે લલિત મોદીએ સુષ્મિતા સેન સાથેની તસવીરો પણ શેર કરી છે. જેમાં બંને એક કપલ તરીકે દેખાઈ રહ્યા છે.
લલિત મોદીના આ ટ્વીટ બાદ મીડિયામાં સમાચાર ફેલાઈ ગયા છે કે લલિત મોદીએ અને સુષ્મિતા સેને લગ્ન કરી લીધા છે. જો કે, આ અહેવાલો અંગે લલિત મોદીએ બીજું ટ્વીટ કરીને તેમના લગ્ન અંગે સ્પષ્ટતા પણ કરી છે.
લલિત મોદીએ લગ્ન અંગે સ્પષ્ટતા કરીઃ
લલિત મોદીએ બીજી ટ્વીટમાં લખ્યું કે, હું અહીં સ્પષ્ટતા કરવા માંગુ છું કે, અમે લગ્ન નથી કર્યા પણ અમે એક બીજાને ડેટ કરી રહ્યા છીએ. લગ્ન પણ ટૂંક સમયમાં થશે. આ ટ્વીટ સાથે પણ લલિત મોદીએ સુષ્મિતા સેન સાથેના ફોટો શેર કર્યા હતા.