1950માં લતા મંગેશકરે લીધી હતી સેલ્ફી, હવે ફેન્સ સાથે શેર કરી તસવીર

લતા મંગેશકર સોસિયલ મીડિયા પર ખૂબ એક્ટિવ રહે છે. તાજેતરમાં પૂર્વ વડાપ્રધાન અટલ બિહારી વાજપેયીના નિધન પર શોક વ્યક્ત કરતી ટ્વિટ પણ કરી હતી. આ ટ્વિટમાં તેણે વાજપેયીની કવિતાઓ પર બનાવેલા તેના આલબમનું એક ગીત પણ પોસ્ટ કર્યું હતું.

મુંબઈઃ દેશની જાણીતી ગાયિકા અને કોકિલ કંઠી લતા મંગેશકરે ટ્વિટર પર તેના જૂના દિવસોને યાદ કરતી એક પોસ્ટ શેર કરી છે. લતા મંગેશકરે તેનો ફોટો પોસ્ટ કરીને જણાવ્યું કે આ તેણે ખુદ ખેંચેલી તસવીર છે.

આ તસવીર બાદ લતાએ વધુ એક તસવીર શેર કરી છે. જેમાં તે અન્ય કોઈને ફોટો DSLP કેમેરાથી ખેંચતી નજરે પડી રહી છે. આ ફોટોના કેપ્શનમાં તેણે વર્લ્ડ ફોટોગ્રાફી ડે લખ્યું છે.

લતાએ પોસ્ટમાં લખ્યું કે, નમસ્કાર. આ ફોટો 1950ના દાયકાનો છે અને મેં જાતે પાડેલો ફોટો શેર કરી રહી છું. આજે આ રીતે ખુદની ખેંચેલી તસવીરને સેલ્ફી કહેવામાં આવે છે.