મુંબઈઃ અભિનેત્રી માધુરી દીક્ષિત નેને ફિલ્મોમાં પોતાના અભિનયથી જાણીતી અને લોકપ્રિય છે. હાલમાં જ માધુરીએ પોતાની આગામી ફિલ્મ કલંકનું ગીત ‘તબાહ હો ગયે’ રિલીઝ કર્યું હતું જેને ખૂબ પસંદ કરવામાં આવ્યું હતું. આ ગીતમાં માધુરી બિલકુલ પોતાના જૂના અંદાજમાં જોવા મળી રહી છે. હવે અહેવાલ મળી રહ્યા છે કે માધુરી એક્ટિંગ અને ડાન્સ બાદ હવે સિંગર બનવા જઈ રહી છે.
માધુરીએ આ અંગે જણાવ્યું હતું કે અભિનય અને નૃત્યના શોખ પૂર્ણ કર્યા બાદ હું પ્રોફેશનલ લેવલ પર સિગિંગમાં હાથ અજમાવી રહી છું. મારું પહેલુ આલબમ બનીને તૈયાર થઈ ગયું છે જે આ વર્ષે જ રિલીઝ કરવાની મારી યોજના છે. જો કે માધુરીએ અગાઉ ફિલ્મ ગુલાબ ગેંગમાં રંગી સારી નામનું ગીત ગાયું છે. માધુરીએ જણાવ્યું કે, તે એક ઇંગ્લિશ આલબમ હશે જેમાં 6 ગીત હશે.
