'તારક મહેતા..નો નવો ટપુડો છે ગુજરાતી, જન્મદિવસ પર થશે ધમાકેદાર એન્ટ્રી, જાણો સંપૂર્ણ વિગત

સૂત્રોના કહેવા પ્રમાણે, નવા ટપુ એટલે કે રાજ અનડકટની સીરિયલ્સમાં ધમાકેદાર એન્ટ્રી કરવામાં આવશે. ટપુના જન્મદિવસ પર જ રાજ અનડકટની એન્ટ્રી થશે.

અસિતે જણાવ્યું કે, ભવ્ય ગાંધીને અનેક લોકોના વિરોધ છતાં અમે ટપુ માટે પસંદ કર્યો હતો. ઘણા લોકોને ભવ્ય ગાંધી ટપુના પાત્ર માટે મોટો લાગતો હતો. પરંતુ તેણે અમને જાણ કર્યા વિના ગુજરાતી ફિલ્મ સાઇન કરી લીધી હતી.

‘તારક મહેતા કા ઉલ્ટા ચશ્મા’ના નિર્માતા અસિત મોદીએ જણાવ્યું હતું કે, છેલ્લાં ઘણાં સમયથી ટપુને લઈને ઓડિશન ચાલી રહ્યા હતા જેમાંથી રાજની પસંદગી કરવામાં આવી છે. ભવ્ય ગાંધીના શો છોડવાને લઇને કરાયેલા સવાલના જવાબમાં અસિત મોદીએ જણાવ્યું હતું કે, તેના આ નિર્ણયથી તે ખૂબ દુખી છે.

મુંબઈઃ ‘તારક મહેતા કા ઉલ્ટા ચશ્મા’ના ટપુ ઉર્ફ ભવ્ય ગાંધીએ આ શો છોડી દીધો છે તેવામાં સીરિયલ્સના ચાહકોમાં નવા ભવ્ય ગાંધીને લઇને ઉત્સુકતા વધવા લાગી છે. ભવ્ય ગાંધીના શો છોડવાને લઇને શોના નિર્માતાએ નવા ટપુની શોધ કરી લીધી છે. નવા ટપુનું પાત્ર રાજ અનડકટ ભજવશે જે મૂળ સૌરાષ્ટ્રનો હોવાનું કહેવામાં આવી રહ્યું છે અને હાલમાં મુંબઇમાં મલાડમાં રહે છે.

ટપુનું લોકપ્રિય પાત્ર ભજવવા માટે પોતાની પસંદગી થવાથી ખુશ રાજે કહ્યું હતું કે, તે 'તારક મહેતા કા ઉલ્ટા ચશ્મા'નો ઘણો જ મોટો ફૅન છે. ટપુ હવે બિલકુલ તોફાની નહીં રહે પરંતુ વધુ વિન્રમ તથા સમજદાર જોવા મળશે. આ બદલ રાજે અસિત મોદીનો આભાર માન્યો હતો.

એક રિપોર્ટ પ્રમાણે, 19 વર્ષીય રાજ અગાઉ 'પ્યાર તૂને ક્યા કિયા' તથા 'એક રિશ્તા સાંજેદારી કા'માં જોવા મળ્યો હતો. હાલમાં રાજ મુંબઈમાં માસ મીડિયા કોલેજમાં બેચલરનો અભ્યાસ કરે છે. તેની માતાનું અવસાન થઇ ગયું છે.