Swayamvar - Mika Di Vohti : મીકાનો સ્વયંવર 'મીકા દી વોહતી' (Swayamvar - Mika Di Vohti) પૂરજોશમાં આગળ વધી રહ્યો છે. 19 જૂને યોજાયેલા આ શોના ગ્રાન્ડ પ્રીમિયરમાં 12 સુંદરીઓ એન્ટ્રી લેતી જોવા મળી હતી. જો કે, શો શરૂ થયાના બે દિવસ બાદ મીકા સિંહે એક નહીં, બે નહીં, પરંતુ ચાર સુંદરીઓને મોટો ઝટકો આપ્યો છે. શોમાંથી ચાર રાજકુમારીઓને દૂર કરવામાં આવી છે (Mika Di Vohti Elimination) તેમજ બેને ‘પ્રેમનું નજરાણું’ના રૂપમાં બ્રેસલેટ આપવામાં આવ્યા છે.
Swayamvar - Mika Di Vohtiના તાજેતરના પ્રોમોમાં, મીકા સિંહ કબૂલ કરે છે કે તે બે સુંદરીઓ બુશરા શેખ અને પ્રાંતિકા દાસ સાથે સૌથી વધુ બોન્ડિંગ ધરાવે છે. મિકા આ બંનેને ‘પ્રેમનું નજરાણું’ના રૂપમાં બ્રેસલેટ આપે છે. પરંતુ બીજી જ ક્ષણે શોના હોસ્ટ શાને બાકીની રાજકુમારીઓને મોટો ઝટકો આપ્યો. શાને કહ્યું કે હવે શોમાંથી પહેલું એલિમિનેશન થશે.
શાનની જાહેરાત બાદ મિકા સિંહે એક નહીં, બે નહીં પરંતુ ચાર સુંદરીઓને બહારનો રસ્તો બતાવ્યો. મિકાએ શોની શરૂઆતમાં જ નિશા દુબે, રશ્મિ, પૂનમ સૂદ અને પ્રતિક્ષા દાસને બહાર કરી દીધા હતા. આ રીતે આ યુવતીઓ કોઈ પણ જાતની વાતચીત કર્યા વગર મીકા સાથે બહાર નીકળી ગઈ હતી. તે જ સમયે, મહેમાન તરીકે આવેલી બાકીની આઠ સુંદરીઓ, ટેલિવિઝન અભિનેત્રી દિવ્યાંકા ત્રિપાઠીના કહેવા પર મીકા સાથે 'સ્પીડ ડેટિંગ' ગેમ રમતી જોવા મળશે.
જણાવી દઈએ કે સ્વયંવરમાં લવ બ્રેસલેટ આપ્યા બાદ મિકા સિંહ બંને રાજકુમારી બુશરા શેખ અને પ્રાંતિકા દાસ સાથે ડેટ પર પહોંચ્યા હતા. આ દરમિયાન તેણે યુવતીઓ સાથે ઘણી વાતો કરી, સાથે જ રોમેન્ટિક ડાન્સ કરીને પણ ધૂમ મચાવી હતી.
ધ્વની પવારે આ શોમાં ભાગ લીધો છે
VIP વિજય ઇશ્વરલાલ પવારની પુત્રીનું નામ ધ્વની પવાર છે, જે હવે મીકા સિંહના સ્વયંવરમાં જોવા મળે છે. શોમાં, તે મિકાને આકર્ષવા માટે તેના શ્રેષ્ઠ પ્રયાસ કરી રહી છે અને તેની સાથે લગ્ન કરીને સેટલ થવા માંગે છે. મિકાએ તેના પિતા અને તેના ખુબ વખાણ પણ કર્યા. તાજેતરમાં, ધ્વની મીકા સિંહ સાથે સ્પીડ ડેટ પર ગઈ હતી જ્યાં તેણે ખૂબ પ્રભાવિત કર્યા હતા અને મીકાના દિલમાં એક ખાસ જગ્યા બનાવવામાં સફળ રહી હતી. ક્યારેક મિકા સાથે ડાન્સ કરીને તો ક્યારેક તેની સ્ટાઈલથી તેને આકર્ષિત કરીને ધ્વનીએ તેનો જાદુ ખૂબ જ ચલાવ્યો.