મિસ યુનિવર્સ હરનાઝ સંધુ હાલમાં દરેક જગ્યાએ છવાયેલી છે. હરનાઝ દરરોજ કોઈને કોઈ કાર્યક્રમમાં જાય છે. તાજેતરમાં જ ઈન્ડો તિબેટિયન બોર્ડર પોલીસે નોઈડામાં એક કાર્યક્રમનું આયોજન કર્યું હતું. જ્યાં મિસ યુનિવર્સ હરનાઝ કૌર સંધુને આમંત્રણ આપવામાં આવ્યું હતું. આ કાર્યક્રમમાં હરનાઝ મહિલા સશક્તિકરણના વિશેષ કાર્યક્રમમાં ઉપસ્થિત રહી હતી. ગુરુવારે આ કાર્યક્રમનું આયોજન કરવામાં આવ્યું હતું. આ ફંક્શનનો એક વીડિયો વાયરલ થઈ રહ્યો છે જેમાં હરનાઝ બોર્ડર પોલીસના પરિવાર સાથે ડાન્સ કરતી જોવા મળી રહી છે.
હરનાઝ સંધુ તાજ જીત્યા બાદ પ્રથમ વખત ભારત પરત ફરી છે. નોઈડામાં આઈટીબીપીના જવાનો માટે આ ફંક્શન રાખવામાં આવ્યું હતું. જ્યાં હરનાઝે તેના ખૂબ વખાણ કર્યા. આ સાથે હરનાઝે પોલીસના પરિવાર અને બાળકો સાથે પંજાબી ગીતો પર ડાન્સ કર્યો હતો.
ઈન્ડો તિબેટીયન બોર્ડર પોલીસે આ કાર્યક્રમમાં હરનાઝ સંધુનો ડાન્સ કરતો વીડિયો સોશિયલ મીડિયા પર શેર કર્યો છે. તેણે વીડિયોની સાથે કાર્યક્રમની કેટલીક તસવીરો પણ શેર કરી છે. જે સોશિયલ મીડિયા પર વાયરલ થઈ રહ્યો છે.
હરનાઝ ઈન્ડિયાઝ ગોટ ટેલેન્ટમાં જોવા મળશેઃ
હરનાઝ ટૂંક સમયમાં રિયાલિટી શો ઈન્ડિયાઝ ગોટ ટેલેન્ટમાં જોવા મળશે. શોનો નવો પ્રોમો સામે આવ્યો છે જેમાં હરનાઝ ગ્રાન્ડ એન્ટ્રી કરતી જોવા મળી રહી છે. હરનાઝની એન્ટ્રી પર અર્જુન બિજલાની કહે છે- ભારતે છેલ્લા 75 વર્ષમાં ઘણા રેકોર્ડને સ્પર્શ કર્યો છે. પરંતુ એક એવો રેકોર્ડ છે જે 21 વર્ષની રાહ જોયા બાદ તે ભારતને મળ્યો છે. વીડિયોમાં હરનાઝના માથા પર મિસ યુનિવર્સનો તાજ દેખાય છે. હરનાઝ પણ આ શોમાં સ્પર્ધકો સાથે સ્ટેજ પર ડાન્સ કરતી જોવા મળશે.