હાલમાં એક ઇન્ટરવ્યૂં દરમિયાન નીરૂને પુછવામાં આવ્યું કે, તે બોલિવૂડમાં આગળ આપની કિસ્મત કેમ નથી અજમાવી, તેનાં પર નીરૂએ કહ્યું કે, મે હિન્દી ફિલ્મોને લઇને થતી મીટિંગમાં ઘણાં ખરાબ અને અશ્લિલ અનુભવ થયા છે. તેણે ઉમેર્યુ કે, 'અહીં જો રહેવું હોય તો આપે તે કરવું પડે છે.' હું તેનાંથી હચમચી ગઇ હતી. અને ખુબજ અસહજ થઇ ગઇ હતી.
જોકે, નીરૂએ કોઇનું પણ નામ લીધુ ન હતું. તેણે વધુમાં કહ્યું કે, હું એવું નથી કહી રહી કે ઇન્ડસ્ટ્રીમાં આવું કામ જ થાય છે. પણ હું તે અભાગી એક્ટ્રેસમાંથી એક છું જેને આવાં કડવાં અનુભવમાંથી પસાર થવું પડ્યું. તે બાદથી હું બોલિવૂડમાં કિસ્મત અજમાવવાં આવી શકી નથી. હું હવે પંજાબી સિનેમામાં મારા યોગદાનથી ખુશ છું.