મુંબઇઃ સિંગર નીતિ મોહન અને તેના પતિ નિહાર પંડ્યા માતા-પિતા બની ગયા છે. બન્નેએ પોતાના પહેલા બાળકને જન્મ આપ્યો છે, બન્નેએ બેબી બૉયનુ વેલકમ કર્યુ છે. નિહારે પોતાની ઇન્સ્ટાગ્રામ પૉસ્ટ પર દીકરાના જન્મની જાણકારી આપી અને બતાવ્યુ કે નીતિ અને બાળક બન્ને સુરક્ષિત અને સ્વસ્થ છે.
નિહારે નીતિની સાથે રોમાન્ટિક તસવીર શેર કરીને આગળ લખ્યું- મારી સુંદર પત્ની મને મારા નાના છોકરાને તે બધુ જ શીખવાડવાનો મોકો આપે છે, જે મારા પિતાએ મને આ શીખવાડ્યુ છે. તે દરરોજ મારા જીવનમાં વધુને વધુ પ્રેમ ફેલાવે છે. સૌથી મહત્વપૂર્ણ વાત એ છે કે નીતિ અને અમારુ બાળક બન્ને સ્વસ્થ અને ઠીક છે. આજે મુંબઇમાં આ વાદળ અને વરસાદના દિવસે સૂરજની રોશનીની જેમ આવ્યો છે.
બ્લેક એન્ડ વ્હાઇટ તે જ તસવીર શેર કરતા નીતિએ લખ્યું- અમારો પરિવાર, નિહાર પંડ્યા અને હું કાલે અમારા બેબી બૉયનુ સ્વાગત કરીને ખુશ છીએ. આ નાના બાળકને પોતાની બાહોમાં પકડવો અત્યાર સુધીનો સૌથી અસલી અનુભવ છે. અમે બહુ જ ખુશ છીએ, અને પ્રેમ અને શુભકામનાઓ માટે તમામને ધન્યાવાદ આપીએ છીએ. બન્નેએ પોતાના પહેલા બાળકને જન્મ આપ્યો છે, બન્નેએ બેબી બૉયનુ વેલકમ કર્યુ છે.
2019માં થયા હતા લગ્ન
ઉલ્લેખનીય છે કે નીતિ મોહન અને નિહાર પંડ્યા 15 ફેબ્રુઆરી, 2019એ સાત ફેરા ફર્યા હતા. આ લવ મેરેજ હતા. હૈદરાબાદમાં થયેલા આ શાહી લગ્નની ચર્ચા પણ ખુબ થઇ હતી. સોશ્યલ મીડિયામાં આ લગ્નની તસવીરોને લઇને ક્રેઝ ઘણાસમય સુધી રહ્યો હતો. નીતિ એક કમાલની ગાયિકા છે, તો નિહાર બેસ્ટ અભિનેતા છે, જે મણિકર્ણિકા જેવી ફિલ્મનો ભાગ રહી ચૂક્યો છે. વળી નીતિની વાત કરીએ તો સ્ટૂડન્ટ ઓફ ધ યરથી બૉલીવુડમાં ડેબ્યૂ કરનારી નીતિને કેટલાય બેસ્ટ ગીતો બૉલીવુડને આપ્યા છે.