Soni Razdan Felt Guilty After Marriage: ફિલ્મ ઈન્ડસ્ટ્રીના સૌથી મોટા નિર્દેશકોમાંના એક મહેશ ભટ્ટની પુત્રી પૂજા ભટ્ટ આ દિવસોમાં 'બિગ બોસ ઓટીટી 2'માં જોવા મળી રહી છે. પૂજા એ અભિનેત્રીઓમાંની એક છે જે પોતાના અંગત જીવન વિશે ખુલીને વાત કરે છે, પછી તે સારી યાદો હોય કે દુખની વાત હોય.
અફેરને કારણે અણબનાવ
બધા જાણે છે કે પૂજા મહેશ ભટ્ટની પહેલી પત્ની લોરેન બ્રાઈટની દીકરી છે. જેની સાથે મહેશ ભટ્ટે 1968માં લગ્ન કર્યા હતા. લગ્ન પછી લોરેને પોતાનું નામ બદલીને કિરણ ભટ્ટ રાખ્યું. મહેશ ભટ્ટ અને કિરણ ભટ્ટને બે બાળકો છે,. પૂજા ભટ્ટ અને રાહુલ ભટ્ટ. જોકે, મહેશ ભટ્ટનું પરવીન બાબી સાથે અફેર હતું ત્યારે તેમના લગ્નજીવનમાં તિરાડ પડી હતી.
સોની રાઝદાને વ્યક્ત કરી પીડા
પરવીન બાર્બીના મૃત્યુ પછી અભિનેત્રી સોની રાઝદાન મહેશ ભટ્ટના જીવનમાં આવી અને મહેશ ભટ્ટે સોની રાઝદાન સાથે છૂપી રીતે લગ્ન કરી લીધા. લોરેન બ્રાઈટ આ સહન ન કરી શકી અને મહેશ ભટ્ટને કાયમ માટે છોડી દીધો. જો કે મહેશ ભટ્ટ સાથે લગ્ન કર્યા બાદ સોની રાઝદાનને પણ પસ્તાવો થયો હતો, આ વાતનો ખુલાસો પૂજા ભટ્ટે ઈન્ડિયા ટુડેને આપેલા ઈન્ટરવ્યુમાં કર્યો હતો.
ઈન્ટરવ્યુ દરમિયાન પૂજા ભટ્ટે કહ્યું હતું કે, 'હું એક એવા પિતા સાથે મોટી થઈ છું જેણે કથિત રીતે કોઈ બીજા સાથે લગ્ન કર્યા અને બીજો પરિવાર શરૂ કર્યો. એક દિવસ હું અને તે કુનુર જઈ રહ્યા હતા તે બહાર બેઠી હતી. તેમણે મને કહ્યું કે 'પૂજા હું તને કહેવા માંગુ છું કે હું ખૂબ જ દોષિત અનુભવું છું.'
સોની રાઝદાનની આ વાત સાંભળીને પૂજાએ તેને સમજાવ્યું અને તેના નિર્ણય પર વિશ્વાસ રાખવા કહ્યું.અભિનેત્રીએ કહ્યું કે તેને લગ્નનો અફસોસ ન કરવો જોઈએ, કારણ કે તેણે કોઈના લગ્ન તોડ્યા નથી. મહેશ ભટ્ટ અને લોરેનાના સંબંધો લાંબા સમય પહેલા સમાપ્ત થઈ ગયા હતા. જોકે આજે સોની અને મહેશ ભટ્ટ સુખી જીવન જીવી રહ્યા છે. બંનેને બે દીકરીઓ આલિયા ભટ્ટ અને શાહીન ભટ્ટ છે. હાલમાં જ આલિયાએ રણબીર કપૂર સાથે લગ્ન કર્યા છે, જે પછી તે એક સુંદર દીકરીના માતા પણ બની ગયા છે.