લગ્ન બાદ આ બે શહેરમાં ગ્રાન્ડ રિસેપ્શન આપશે પ્રિયંકા-નિક

મુંબઈઃ બોલિવૂડમાં હાલ પ્રિયંકા ચોપરા અને નિક જોનસના લગ્નની ચર્ચા ચાલી રહી છે. નિક ભારત આવી ગયો છે. કપલે હજુ સુધી લગ્નની તારીખનો ખુલાસો કર્યો નથી. પરંતુ મીડિયા અહેવાલ અનુસાર, લગ્નની તારીખ 2 ડિસેમ્બર રાખવામાં આવી છે. બન્ને લગ્ન જોધપુરના ઉમ્મેદ ભવનમાં કરશે. લગ્ન હિન્દૂ અને ક્રિશ્ચન રીતિ રિવાજ અનુસાર થશે. જોકે હવે અહેવાલ મળી રહ્યા છે કે બન્ને લગ્ન બાદ બે રિસેપ્શન આપશે.

જોધપુરમાં લગ્ન બાદ પ્રિયંકા ચોપરા અને નિક જોનસ બે ભવ્ય રિસેપ્શન આપશે. પ્રથમ રિસેપ્શન ફિલ્મ ઉદ્યોગના મિત્રો માટે મુંબઈમાં હશે જ્યારે બીજું રિસેપ્શન દિલ્હીમાં હશે.

બોમ્બે ટાઈ્સે કપલના લગ્નના શેડ્યૂઅલનો ખુલાસો કર્યો છે. જે અનુસાર અનુસાર 29 નવેમ્બરે મેહંદી અને સંગીત સેરેમની થશે. ત્યાર બાદ 30 નવેમ્બરે કોકટેલ પાર્ટી હશે. 1 ડિસેમ્બરે પ્રિયંકાની હલ્દીની વીધિ હશે અને બીજા દિવસે એટલે કે 2 ડિસેમ્બરે લગ્ન થશે.

પ્રિયંકાના લગ્નમાં બોલિવૂડથી પહોંચનારા મહેમાનોમાં સલમાન ખાન, રણબીર કપૂર, આલિયા ભટ્ટ, કેટરીના કૈફ, ફરહાન અખ્તર અને સિદ્ધાર્થ રોય કપૂર છે. મીડિયા અહેવાલ અનુસાર બન્નેએ જાણીતી સેલેબ્સને લગ્નનું આમંત્રણ આપ્યું છે.