Priyanka Chopra: પ્રિયંકા ચોપરા તેની જોરદાર એક્ટિંગ અને અદ્ભુત કામથી ચાહકોને ચોંકાવી રહી છે. પ્રિયંકા હાલમાં માતૃત્વનો અનહદ આનંદ માણી રહી છે. પ્રિયંકા ચોપરા અવારનવાર તેની દીકરી માલતી મેરી ચોપરા જોનાસના જન્મ પછીના ફોટા સોશિયલ મીડિયા પર શેર કરતી રહે છે. જો કે અત્યાર સુધી તેણે દીકરી માલતી મેરી ચોપરાનો ચહેરો બતાવ્યો નથી. અભિનેત્રી પોતાના વ્યસ્ત શેડ્યૂલમાંથી પરિવાર માટે સમય કાઢી લે છે. અને તેના વેકેશનના ફોટા પણ ચાહકો સાથે શેર કરતી રહે છે. ત્યારે હવે જ્યારે ક્રિસમસ નજીકમાં છે ત્યારે પ્રિયંકા પોતાના વ્યસ્ત શિડ્યુઅલમાંથી સમય કાઢી સેલિબ્રેશન માટે દીકરી માલતી સાથે સિક્રેટ ડેસ્ટિનેશન માટે રવાના થઈ ગઈ છે.
પ્રિયંકા ચોપરાએ સ્થળ જાહેર કર્યું નથી
પ્રિયંકાએ ઇન્સ્ટાગ્રામ સ્ટોરી પર દીકરી માલતી મેરી સાથેનો એક ફોટો પોસ્ટ કર્યો છે. તેણે કેપ્શનમાં લખ્યું- ‘Off we go...,’ આગળ તેણે રેડ હાર્ટનું ઈમોજી બનાવ્યું છે. ફોટામાં પ્રિયંકાએ કાળું સ્વેટર અને કાળું પેન્ટ પહેરેલું જોવા મળી રહ્યું છે જ્યારે દીકરી માલતી મેરી એ વ્હાઇટ કપડાં પહેર્યા છે. તેણે તેની દીકરી મળતી મેરી ચોપરાને ખોળામાં બેસાડી છે. તે પ્લેનમાં બેઠી છે અને પ્લેનની બારીમાંથી બહાર જોઈ રહી છે. પ્રિયંકા જ્યાં બેઠી છે ત્યાં પાછળ ટીવી ચાલુ છે. તેની હેન્ડબેગ સામે રાખવામાં આવી છે. જો કે તેણે કહ્યું નથી કે તે કયા જઈ રહી છે.
અભિનેત્રી પતિ અને દીકરી સાથે એક્વેરિયમ પહોંચી હતી
પ્રિયંકા હાલમાં જ પરિવાર સાથે લોસ એન્જલસ એક્વેરિયમ પહોંચી હતી. તેણે તેને કેપ્શન આપ્યું, '#Family #aquarium #familyday #love.' ફોટામાં, નિકે તેની દીકરી માલતી મેરી ચોપરાને હાથમાં તેડેલી છે. તેને દિલના ઈમોજી વડે દીકરીનો ચહેરો છુપાવી દીધો છે. દીકરી માતા પ્રિયંકાને જોઈ રહી છે. તો પ્રિયંકા પણ દીકરી માલતી મેરી ચોપરા અને પાપા નિકને જોઈ રહી છે.
પ્રિયંકા બોલિવૂડ ફિલ્મમાં જોવા મળશે
પ્રિયંકા હવે રુસો બ્રધર્સની ફિલ્મ સિટાડેલમાં જોવા મળશે. આ સિવાય તેની પાસે 'એન્ડિંગ થિંગ્સ' છે. બોલિવૂડમાં પ્રિયંકા પાસે ફરહાન અખ્તરની 'જી લે જરા' છે. રોડ ટ્રીપ પર આધારિત આ ફિલ્મમાં આલિયા ભટ્ટ સાથે કેટરીના કૈફ મુખ્ય ભૂમિકામાં છે.