મુંબઇઃ પોર્નોગ્રાફી કેસમાં રાજ કુન્દ્રાની ધરપકડ બાદ બૉલીવુડમાં સન્નાટો છવાઇ ગયો છે, કેટલાક લોકો શિલ્પા અને રાજને સપોર્ટ કરી રહ્યાં છે તો કેટલાક લોકો ખુલીને આ ઘટનાનો વિરોધ કરી રહ્યાં છે. પરંતુ આ બધાની વચ્ચે શિલ્પા શેટ્ટીને મોટો ફટકો લાગ્યો છે. બિઝનેસમેન પતિનો પોર્નોગ્રાફી ફિલ્મોનો ભાંડો ફૂટતા જ શિલ્પા શેટ્ટી મુશ્કેલીમાં મુકાઇ છે. રિપોર્ટે છે કે, એક્ટ્રેસને આ કેસના કારણે ટીવીના પૉપ્યૂલર ડાન્સ રિયાલિટી શૉ ‘સુપર ડાન્સર 4’માંથી બહાર થવાનો વારો આવ્યો છે. શિલ્પા શેટ્ટી આ શૉને ગીતા કપૂર અને અનુરાગ બસુની સાથે જજ કરતી હતી, તે આમાં સૌથી મોંઘી જજ હતી, પરંતુ રાજ કુન્દ્રાની ધરપકડ બાદથી આ શૉમાંથી ગાયબ થઇ ગઇ છે. શૉમાંથી બહાર થવાના કારણે એક્ટ્રેસ શિલ્પા શેટ્ટીને બે કરોડથી વધુનુ નુકશાન ભોગવવાનો વારો આવ્યો છે.
રિપોર્ટ્સનુ માનીએ તો સુપર ડાન્સર 4માંથી ગાયબ થયેલી શિલ્પા શેટ્ટીને હવે આનુ નુકશાન શરૂ થઇ ગયુ છે. શિલ્પાને આના કારણે 2 કરોડ રૂપિયાની લૉસ થવાનુ અનુમાન છે. આ શૉને જજ કરવા માટે શિલ્પા શેટ્ટી દરેક એપિસૉડના 18-20 લાખ રૂપિયા ફી લેતી હતી. આ શૉના દર અઠવાડિયે બે એપિસૉડ પ્રસારિત કરવામાં આવતા હતા, પરંતુ છેલ્લા ચાર એપિસૉડથી તે સેટ પર નથી દેખાઇ રહી. પણ કહેવાય છે કે 'શૉ મસ્ટ ગૉ ઓન', આની તર્જ પર મેકર્સ તેની જગ્યાએ ગેસ્ટ ઇન્વાઇટ કરી રહ્યાં છે.
ગયા અઠવાડિયે તેની જગ્યાએ શૉમાં કરિશ્મા કપૂર દેખાઇ હતી, વળી આ વીકેન્ડમાં રિતેશ દેશમુખ અને જેનેલિયાએ તેની ખુરશી સંભાળી હતી. આ કેટલાક અઠવાડિયાની ગેરહાજરીમાં તેના 2 કરોડ રૂપિયાનુ નુકશાન થઇ ચુક્યુ છે.
શિલ્પા શૉમાં નથી દેખાઇ રહી, એટલે લોકોમાં અફવા પણ ઉડી છે કે તેને હવે શૉ છોડી દીધો છે. જોકે આ વિશે મેકર્સ તરફથી કોઇ રિએક્શન નથી આવ્યુ.
નોંધનીય છે કે, રાજ કુન્દ્રાને 9મી જુલાઇએ મુંબઇની ક્રાઇમ બ્રાન્ચે ધરપકડ કરી હતી. તેના પર પોર્ન ફિલ્મો બનાવવા અને એપ પર અપલૉડ કરવાનો આરોપ છે. પોલીસનુ કહેવુ છે કે રાજ વિરુદ્ધ તેમની પાસે પુરતા પુરાવાઓ છે. પોલીસ આ કેસમાં શિલ્પા શેટ્ટીની ભૂમિકાને લઇને પણ તપાસ કરી રહી છે.