લગભગ 2.20 મિનિટની આ ક્લિપમાં હાર્ડ કૌર પીએમ મોદી અને અમિત શાહને પડકાર આપ્યો હતો. જોત જોતામાં આ વીડિયો વાઈરલ થયો અને ટ્વિટર પર હાર્ડ કૌર આખો દિવસ ટ્રેન્ડિંગ રહી હતી. આ વીડિયોને ટ્વિટર પર પોસ્ટ કર્યા બાદ હાર્ડ કૌર પોતાના ઈન્સ્ટાગ્રામ પર એક ગીતનો પ્રમોશનલ વીડિયો શૅર કર્યો હતો, જેનું ટાઈટલ વી આર વૉરિયર્સ એવું રાખવામાં આવ્યું હતું. આ વીડિયોમાં પણ ખાલિસ્તાની સમર્થકો જોવા મળી રહ્યાં છે.
આ પહેલા પણ હાર્ડ કૌર પોતાની આવી પોસ્ટને કારણે ચર્ચામાં રહી છે. આ પહેલા હાર્ડ કૌર વિરુદ્ધ યુપીના સીએમ યોગી આદિત્યનાથ અને RSSના ચીફ મોહન ભાગવત વિરુદ્ધ અપશબ્દોનો ઉપયોગ કરવા બદલ દેશદ્રોહનો ગુનો નોંધાયો હતો. આ મામલે આઈપીસીની કલમ 124એ, 153એ, 500 અને 505 અંતર્ગત FIR પણ નોંધવામાં આવી હતી.