‘Zero’ ફિલ્મનું ટીઝર લૉન્ચ, શાહરૂખ દેખાશે આ એકદમ નવા રૉલમાં, જાણો શું છે કહાની

ઠીંગુજી શાહરૂખને શશી કપૂર અકીલા અભિનીત જૂની ફિલ્મ 'જબ જબ ફૂલ ખીલે'ના ગીત 'તુમકો હમ પે પ્યાર આયા' ગીતની ધૂન પર નાચતો બતાવવામાં આવ્યો છે. આ ફિલ્મમાં શાહરૂખની સાથે કેટરીના કૈફ અને અનુષ્કા શર્મા-કોહલી પણ છે, પરંતુ ટીઝરમાં એમની ભૂમિકાનો કોઈ અણસાર આપવામાં આવ્યો નથી. આ ત્રણેય કલાકાર અગાઉ 'જબ તક હૈ જાન' ફિલ્મમાં સાથે કામ કરી ચૂક્યા છે.

ફિલ્મનો નાયક ભલે ઠીંગુજી છે. ફિલ્મમાં એ વ્યકિતની શારીરિક ખોડ કરતાં આપણા જીવનમાં લાગણીની અપૂર્ણતા કેટલી બધી હોય છે એની વાત લોકો સામે મુકવામાં આવી છે. રેડ ચિલીઝ એન્ટરટેઈનમેન્ટ નિર્મિત આ ફિલ્મના મુખ્ય પાત્રને 'પાગલ', 'આશિક', 'આવારા' અને બીજા ઘણા શબ્દોથી ઓળખવામાં આવે છે.

મુંબઇઃ 2018નું વર્ષ સુપરસ્ટાર શાહરૂખ ખાન માટે એક નવો અવતાર લઇને આવી રહ્યું છે, શાહરૂખ નવા નવા વર્ષમાં અનોખી ભૂમિકામાં પોતાની અપકમિંગ ફિલ્મમાં જોવા મળશે. શાહરૂખ ખાનની આગામી ફિલ્મ 'ઝીરો'માંનું ટાઇટલ અને ટીઝર નવા વર્ષના પહેલા જ દિવસે લૉન્ચ થઇ ગયું છે, જેમાં શાહરૂખ ખાન ઠીંગુજીના રૉલમાં જોવા મળી રહ્યો છે.

આ અંગે દિગ્દર્શક આનંદ રાયનું કહેવું છે કે, મારે મતે આ ફિલ્મ માટે શાહરૂખને પસંદ કર્યા સિવાય બીજો કોઇ વિકલ્પ નહોતો, કારણ કે મારે એક ઈન્ટેલિજન્ટ એકટરની જરૂર હતી. આ ફિલ્મ વિશે તેમજ એનું ટાઈટલ 'ઝીરો' રાખવા વિશે રાયે કહ્યું કે, ઘણઆ લોકો બોલતાં હોય છે કે પરફેકટ એ કંટાળાજનક હોય છે અને ઇમપરફેક્ટ ઘણું રસપ્રદ હોય છે. અમારી આ ફિલ્મ પણ એવા જ પ્રકારની છે. ફિલ્મની વાર્તા બે ઈમપરફેકટ વ્યકિતની પરફેકટ લવ સ્ટોરી છે.

'ઝીરો' ફિલ્મમાં શાહરૂખ ખાન એક ઠીંગુજીની ભૂ્મિકા નિભાવવાનો છે. આ ફિલ્મના દિગ્દર્શક આનંદ એલ. અકિલા રાય છે અને આને ૨૧ ડિસેમ્બરે 2018ના દિવસે રિલીઝ કરવામાં આવશે. રિલીઝ થયેલા ફિલ્મના ટીઝરમાં શાહરૂખને કદમાં ઠીંગુજી અને બુદ્ઘુ માણસ જેવો બતાવવામાં આવ્યો છે, જે એક પાર્ટીમાં ડાન્સ કરી રહ્યો છે.