Rihanna Second Pregnancy: હોલીવુડની ખૂબ જ પ્રખ્યાત ગાયિકા રિહાન્નાએ 2023માં સુપર બાઉલમાં તેના હાફ ટાઈમ પરફોર્મન્સથી મ્યુઝિક ઇન્ડસ્ટ્રીમાં ધમાલ મચાવી દીધી. તેના દમદાર પર્ફોમન્સ પહેલા એવી અટકળો પણ હતી કે તે સુપર બાઉલમાં મોટી જાહેરાત કરી શકે છે. આ દરમિયાન કેટલાક એવા સંકેતો પણ મળ્યા હતા જેના પરથી અફવાઓ ઉડી હતી કે ગાયિકા ગર્ભવતી છે. તે જ સમયે સિંગરની પ્રેગ્નન્સીની વાતને સમર્થન મળ્યું છે. રિહાન્ના પહેલેથી જ એક પુત્રની માતા છે.
શા માટે રિહાન્નાની ગર્ભાવસ્થાની અફવાઓ ઉડી ?
હાફટાઇમ સુપર બાઉલ પ્રદર્શન દરમિયાન રિહાન્ના વિશે અફવાઓ હતી કે તે ફરીથી ગર્ભવતી છે. TMZના અહેવાલ મુજબ ગાયક પર્ફોર્મન્સ દરમિયાન તેના પેટ પર હાથ ફેરવતી જોવા મળે છે. અને તેના કપડાંની ઝિપ ખોલી તે તેના બેબીબમ્પને ફ્લોન્ટ કરતી જોવા મળી હતી. જે બાદ એવી અટકળો શરૂ થઈ હતી કે રિહાના ગર્ભવતી છે.
રિહાન્નાએ વર્ષ 2022માં તેના પુત્રનું સ્વાગત કર્યું હતું
તમને જણાવી દઈએ કે ગ્રેમી વિનર રિહાન્ના અને તેના બોયફ્રેન્ડ રેપર ASAP રોકીએ વર્ષ 2022 માં તેમના પુત્રનું સ્વાગત કર્યું હતું. સિંગરે પોતાની પહેલી પ્રેગ્નન્સી દરમિયાન પણ ઘણી હેડલાઈન્સ બનાવી હતી. આ દરમિયાન તેણે ઘણા ફોટોશૂટ કરાવ્યા હતા.
રિહાન્નાનું 2023 સુપર બાઉલ પર્ફોર્મન્સ
રિહાન્ના 2023 સુપર બાઉલ સ્ટેજ પર હિટ કરતી જોવા મળી હતી. આ ઈવેન્ટ અમેરિકાની સૌથી મોટી ફૂટબોલ ઈવેન્ટમાંથી એક છે જેમાં વિશ્વના સૌથી મોટા ગાયકો પરફોર્મ કરે છે. આ દરમિયાન રિહાન્નાએ ઈવેન્ટમાં ગ્રાન્ડ એન્ટ્રી કરી અને તેના શોમાં ડાયમંડ, રુડ બોય અને વર્ક સહિત ઘણા ક્લાસિકનો સમાવેશ કર્યો. આને રિહાન્નાના પુનરાગમન તરીકે ગણી શકાય કારણ કે તે 2018 પછી તેનું પ્રથમ જીવંત પ્રદર્શન હતું. સિંગરે લગભગ સાત વર્ષથી એક પણ આલ્બમ બહાર પાડ્યો નથી.