મુંબઈ: સૈફ અલી ખાનની ફિલ્મ જવાની જાનેમન રિલીઝના એક જ દિવસ બાદ ઓનલાઈન લીક થઈ ગઈ છે. તમિલરોકર્સ નામની વેબસાઈટે ફિલ્મની એચડી પ્રિન્ટ ઓનલાઈન લીક કરી છે. ફિલ્મની પાઈરેટેડ વર્ઝન ઘણી વેબસાઈટ પર ઉપલબ્ધ છે. સૈફ અલી ખાનની આ ફિલ્મ શુક્રવારે રિલીઝ થઈ હતી. ફિલ્મ ઓનલાઈન લીક થવાના કારણે કમાણી પર અસર પડશે.


તમિલરોકર્સ પર અનેક ફિલ્મ્સ રિલીઝ થયાના થોડાંક જ દિવસોમાં લીક થઈ જાય છે. સૈફની આ ફિલ્મ રિલીઝના બીજા જ દિવસે લીક થઈ છે.

નીતિન કક્કરના ડિરેક્શનમાં બનેલી ‘જવાની જાનેમન’માં સૈફ અલી ખાન, તબ્બુ તથા અલાયા ફર્નીચરવાલા છે. આ ફિલ્મથી અલાયાએ બોલિવૂડ ડેબ્યૂ કર્યું છે. ફિલ્મમાં તેની એક્ટિંગના વખાણ કરવામાં આવ્યા છે. ફિલ્મમાં અલાયા એક્ટર સૈફની દીકરીના રોલમાં છે.