આમિર બાદ સલમાન ખાન પણ ચીનમાં સુપરહિટ, પ્રથમ દિવસે કરી ધમાકેદાર કમાણી

આમિર ખાનની ફિલ્મ સીક્રેટ સુપરસ્ટારને પણ ચીન બોક્સ ઓફિસમાં ખૂબ પસંદ કરવામાં આવી હતી અને ફિલ્મે સારું પ્રદર્શન કર્યું હતું. જ્યારે આ ફિલ્મે દેશભરમાં કંઈ ખાસ કમાણી કરી ન હતી. આમિરની ફિલ્મ દંગલ અને 3 ઈડિયટ્સે પણ ચીનમાં બોક્સ ઓફિસ પર સારી કમાણી કરી હતી. જોકે, હવે એ જોવાનું રહેશે કે આવનારા સમયમાં સલમાન ખાનની આ ફિલ્મ ચીનમાં કેટલા કરોડનો કારોબાર કરે છે.

કબીર ખાનના નિર્દેશનમાં બનેલ આ ફિલ્મે ભારતમાં 320.34 કરોડ રૂપિયાનો કારોબાર કર્યો હતો. તમને જણાવીએ કે સલમાન ખાન પહેલા આમિર ખાને જ પોતાની ફિલ્મો ચીનમાં રિલીઝ કરી છે અને તેની ફિલ્મોને ચીનમાં દરેક વખતે સારો રિસ્પોન્સ મળ્યો છે.

જણાવીએ કે, ફિલ્મમાં સલમાન ખાનની સાથે હર્ષાલી મલ્હોત્રાએ મહત્ત્વની ભૂમિકા ભજવી હતી. ફિલ્મની કહાની એક એવી બાળકીની જે બોલી નથી શકતી અને પોતાના પરિવારથી અલગ પડી જાય છે. ત્યાર બાદ સલમાન તેને પાકિસ્તાનમાં તેના ઘર સુધી પહોંચાડે છે. ફિલ્મમાં સલમાન ખાનની ભૂમિકાને ભારતમાં પણ દર્શકો દ્વારા ખૂબ પસંદ કરવામાં આવી હતી. એટલું જ નહીં આ ફિલ્મને પાકિસ્તાનમાં પણ ખૂબ પસંદ કરવામાં આવી હતી. જણાવીએ કે, ફિલ્મ ચીનમાં 8000 સ્ક્રીન્સ પર રિલીઝ કરવામાં આવી છે.

નવી દિલ્હીઃ બોલીવુડના સુલ્તાન સલમાન ખાન પણ આમિર ખાનના રસ્તે ચાલતાં ચીન પહોંચી ગયા છે અને ચીનના લોકોએ તેનું દિલ ખોલીને સ્વાગત કર્યું છે. સલમાન ખાનની ફિલમ બજરંગી ભાઈજન 2 માર્ચના રોજ ચીનમાં રિલીઝ કરવામાં આવી અને ફિલ્મ ચીનના દર્શકોને ખૂબ પસંદ પડી છે. સલમાનની આ ફિલ્મે પ્રથમ દિવસે અંદાજે 2.20 મિલિયન ડોલર (અંદાજે 14.30 કરોડ રૂપિયા)નો કારોબાર કર્યો છે. આ રીતે આ ફિલ્મ આંતરરાષ્ટ્રીય બોક્સ ઓફિસ પર સલમાનની સૌથી વધારે કમાણી કરનારી ફિલ્મ બની ગઈ છે.