ફિલ્મ ‘રઈસ’ને લઈને રાજ ઠાકરેને મળવા પહોંચ્યો શાહરૂખ, જાણો કેમ

શાહરૂખ સાથે મુલાકાત કર્યા બાદ રાજ ઠાકરેએ કહ્યું કે, જ્યાં સુધી ભારતચપાકિસ્તાનના સંબંધો નહીં સુધરે ત્યાં સુધી માહિરા ખાન ફિલ્મનું પ્રમોશન નહીં કરે. રાજ ઠાકરેએ કહ્યું કે શાહરૂખ ખાન એવું બતાવવા માટે આવ્યા હતા કે માહિરા ફિલ્મ ‘રઈસ’ને પ્રમોટ કરી રહી છે આ અફવા ખોટી છે.

આમ જોવા જઈએ તો બૉલીવુડના કિંગ ખાન શાહરૂખ ખાન પોતાની આવનાર ફિલ્મ ‘રઈસ’ને લઈને વિવાદોમાં ચાલી રહ્યો છે. ફિલ્મ ‘રઈસ’નું જબરદસ્ત ટ્રેલર પહેલાથી દર્શકો સામે આવી ગયું છે, જેમાં કિંગ ખાન અને અભિનેતા નવાજુદ્દીન સિદ્દીકીનો દમદાર અભિનય જોવા મળી શકે છે. ઉલ્લેખનીય છે કે હાલમા રિલીઝ થયેલી ફિલ્મ ‘એ દિલ હૈ મુશ્કિલ’માં પાકિસ્તાની કલાકાર ફવાદ ખાન હોવાના કારણે રાજ ઠાકરેની પાર્ટી એમએનએસ સહિત અમુક સંગઠનોએ કરણ જોહરની આ ફિલ્મનો વિરોધ કર્યો હતો. શાહરૂખ નથી ઈચ્છતો કે તેની ફિલ્મ રઈસ પર કોઈ અવરોધ આવે..

મુંબઈ: બૉલીવુડ અભિનેતા શાહરૂખ ખાન એમએએસ પ્રમુખ રાજ ઠાકરેને મળવા તેમના ઘર કૃષ્ણા કુંજ પહોંચ્યો હતો. એવામાં એવો ક્યાસ લગાવવામાં આવી રહ્યો છે કે શાહરૂખ પોતાની આવનાર ફિલ્મ ‘રઈસ’ને લઈને રાજ ઠાકરને મળવા પહોંચ્યો છે. તમને જણાવી દઈએ કે શાહરૂખની આવનાર ફિલ્મ ‘રઈસ’ માં પાકિસ્તાની અભિનેત્રી માહિરા ખાન છે.