કેંદ્રીય મંત્રી સ્મૃતિ ઈરાનીએ તાપસી પન્નુની 'થપ્પડ'ની પ્રશંસા કરી, જાણો શું કહ્યું ?

કેંદ્રીય મંત્રી સ્મૃતિ ઈરાનીએ બોલીવૂડ અભિનેત્રી તાપસી પન્નુની આગામી ફિલ્મ 'થપ્પડ'ના ટ્રેલરની પ્રશંસા કરી છે.

મુંબઈ: કેંદ્રીય મંત્રી સ્મૃતિ ઈરાનીએ બોલીવૂડ અભિનેત્રી તાપસી પન્નુની આગામી ફિલ્મ 'થપ્પડ'ના ટ્રેલરની પ્રશંસા કરી છે. કેંદ્રીય મંત્રીએ પોતાના ઈન્સ્ટાગ્રામ એકાઉન્ટ પર ફિલ્મના ટ્રેલરનો વીડિયો પોસ્ટ કર્યો છે. સ્મૃતિ ઈરાનીએ કહ્યું મહિલાને એક થપ્પડ મારવી પણ યોગ્ય નથી.

સ્મૃતિ ઈરાનીએ લખ્યું, તમે કેટલીવાર સાંભળ્યું છે કે મહિલાઓએ જ એડજસ્ટ કરવું પડે છે ? કેટલા એવું વિચારે છે કે મારપીટ માત્ર ગરીબ મહિલાઓના પતિ જ કરે છે ? કેટલા એવું માને છે કે ભણેલો માણસ ક્યારેય હાથ નથી ઉઠાવતો ? કેટલા લોકો દીકરીઓ અને વહુને એમ કે છે કે કોઈ વાંધો નહીં બેટા આવું તો અમારી સાથે પણ થયું છે પરંતુ જુઓ આજ અમે કેટલા ખુશ છીએ ? હું ડિરેક્ટરની રાજકારણની માન્યતાને લઈને સપોર્ટ નથી કરતી બની શકે છે કે હું કોઈ એક્ટર્સ સાથે અમુક બાબત પર સહમત ન પણ હોવ પણ આ સ્ટોરી હું ચોક્કસપણે જોઇશ અને આશા રાખું છું કે લોકો પણ પરિવાર સાથે જુએ. મહિલાને મારવું એ યોગ્ય વાત નથી.... થપ્પડ પણ નહીં....માત્ર એક થપ્પડ પણ નહીં.'


તાપસી પન્નુની ફિલ્મ થપ્પડને ડિરેક્ટર અનુભવ સિન્હાએ પ્રોડ્યૂસ કરી છે. ડિરેક્ટર અનુભવ સિન્હાની આ ફિલ્મ મહિલા સશક્તિકરણ પર આધારિત છે. અનુભવ ફિલ્મના રાઇટર પણ છે. તાપસી પન્નુની ફિલ્મ 'થપ્પડ' 28 ફેબ્રુઆરીએ રિલીઝ થશે.