Anshuman Jha Photos: 'મસ્તરામ' ફેમ એક્ટર અંશુમાન ઝાના ફેન્સ માટે એક સારા સમાચાર સામે આવ્યા છે, એક્ટર અંશુમાન ઝા લગ્નના બંધનમાં બંધાઇ ચૂક્યો છે. તેની કેટલીક તસવીરો તેને સોશ્યલ મીડિયા પર શેર કરી છે. વેબસીરીઝ 'મસ્તરામ' ફેમ એક્ટર અંશુમાન ઝા (Anshuman Jha) તાજેતરમાં જ લગ્નના બંધનમાં બંધાઇ ચૂક્યો છે. તેને પોતાની મંગેતર સિએરા વિન્ટર્સ સાથે અમેરિકામાં લગ્ન કરી લીધા છે. જેની ખાસ તસવીરો અને વીડિયો હવે સોશ્યલ મીડિયા પર સામે આવ્યા છે.
આ તસવીરો એક્ટરે પોતાના ઇન્સ્ટાગ્રામ એકાઉન્ટ પર શેર કરી છે, જેમાં તે મંગેતરની સાથે તળાવના કિનારે પૉઝ આપતો દેખાઇ રહ્યો છે. તસવીરોમાં એક્ટર બ્લેક સૂટ અને સિએરા વ્હાઇટ ગાઉનમાં દેખાઇ રહી છે. બન્નેએ ક્રિશ્ચયન રીતિ રિવાજ પ્રમાણે લગ્ન કર્યા છે.
વળી, એક તસવીરમાં અંશુમાન ઝા સિએરાના માથાને ચુંબન કરતો દેખાઇ રહ્યો છે, બન્નેની આ તસવીરો ફેન્સને ખુબ પસંદ આવી રહી છે. આ ઉપરાંત બન્નેએ લગ્ન બાદ કેક કટિંગ સેરેમની પણ કરી, આ તસવીરમાં આંખો પર ચશ્મા લગાવેલો અંશુમાન ઝા એકદમ હેન્ડસમ લાગી રહ્યો છે.
વળી, તસવીરોમાં ફેન્સ ઉપરાંત કેટલાય સ્ટાર્સે પણ કૉમેન્ટ કરીને એક્ટરના લગ્નને અભિનંદન પાઠવ્યા છે. એક્ટર સુમિત વ્યાસે લખ્યું- મુબારક હો, વળી એક્ટ્રેસ અલીએ લખ્યું- બહુજ સુંદર, બન્નેને શુભેચ્છાઓ.
ઉલ્લેખનીય છે કે, અંશુમાન ઝાએ હૉટ વેબસીરીઝ 'મસ્તરામ'માં કામ કરીને ખુબ ચર્ચા જગાવી હતી. વળી, હવે તે બહુજ જલદી 'લકડબગ્ગા'માં દેખાશે.