સુનીલ ગ્રોવરે આપી કપિલનો શો છોડી દેવાની ધમકી? જાણો શું છે કારણ

મુંબઈ: અહેવાલો છે કે સુનીલ ગ્રોવર કપિલ શર્મા છોડી શકે છે. કપિલ શર્મા શોમાં હવે સુનીલ પાછા ન આવે તેવી સંભાવનાઓ છે. આ નિર્ણય પાછળનું કારણ કપિલે સુનીલ સાથે પ્લેનમાં કરેલુ ગેરવર્તન માનવામાં આવે છે.

હાલમાં જ કપિલે પોતાના શોની કાસ્ટ સાથે ઓસ્ટ્રેલિયાની ટૂર કરી હતી. ત્યાંથી પાછા આવતી વખતે પ્લેનમાં એક ઘટના બની હતી. આ વાત બે દિવસ પહેલાની છે. જ્યારે કપિલ શર્મા શોની આખી ટીમ મુંબઈ પાછી આવી રહી હતી. સ્પોટબોય.કોમના એક રિપોર્ટના આધારે આ ફ્લાઈટમાં કપિલ શર્મા અને સુનીલ ગ્રોવર વચ્ચે ઝઘડો થયો હતો. બિઝનેસ ક્લાસમાં કપિલ તેની ટીમ સાથે મુસાફરી કરી રહ્યો હતો. અને તેણે ખૂબ દારૂ પીધો હતો.

નશામાં ધૂત કપિલ સુનીલની સીટ પર ગયો અને તેણે ગેરવર્તન કર્યુ હતું. અને પછી સુનીલ સાથે મારપીટ શરૂ કરી દીધી હતી. અહેવાલો છે કે કપિલના આવા વર્તનથી સુનીલને આઘાત લાગ્યો હતો. આ અંગે સુનિલે કોઈ પ્રતિક્રિયા આપી નહોતી.

રિપોર્ટના આધારે કપિલ શર્માએ સુનીલ ગ્રોવરનું અપમાન કરતા કહ્યું કે, તું છે કોણ? તારો શો ફ્લોપ થયો હતો. તે ઓસ્ટ્રેલિયામાં જાતે જે શો કર્યો હતો તે પણ ફ્લોપ હતો. આ ઘટના પછી પ્લેનના કેટલાક યાત્રીઓ ડરી ગયા હતા. અને તેમણે ઈમરજંસી લેંડિગની માગ કરી હતી. આ પછી કપિલની ટીમના અન્ય સભ્યોએ મામલો સંભાળ્યો હતો. કહેવાય છે કે સુનીલ ગ્રોવરના કપિલના આવા વર્તનથી એટલા ગુસ્સામાં છે કે તે જલદી જ કપિલ શર્મા શો છોડી શકે છે. ટીમના અન્ય સભ્યો પણ કપિલથી નારાજ છે. કપિલને ફિલ્મોમાં કામ કરવા માંડ્યુ ત્યારથી પોતોની ટીમના સભ્યોને ‘ટીવી વાળા’ કહીને બોલાવા લાગ્યો હતો. જો કે એબીપી ન્યૂઝ આ ખબરની પુષ્ટી કરતું નથી.