ફિલ્મના ટ્રેલરમાં જોઈ શકાય છે કે તાપસી પન્નુ પોતાના લગ્ન જીવનમાં ખુશ છે. તેનો પતિ તેને પ્રેમ કરે છે અને સાથે રહે છે. પરંતુ એક દિવસ બધાની વચ્ચે પાર્ટીમાં તેના ઉપર હાથ ઉપાડે છે. બાદમાં શરૂ થાય છે તાપસની પોતાની જાત સાથેની લડાઈ જેમાં તે પોતાને જ સવાલ કરે છે કે શુ આ માત્ર આટલી જ વાત છે?
તાપસી જ્યારે આ થપ્પડના વિરોધમાં કોર્ટ જાય છે ત્યારે તેને સમાજનો વિરોધ અને સાથે-સાથે તેના પરિવારના વિરોધનો પણ સામનો કરવો પડે છે. તાપસી પન્નુએ પોતાના સોશિયલ મીડિયા પર ટ્રેલર શેર કર્યું છે અને લખ્યું છે, હાં બસ એક થપ્પડ, પર નહીં માર સકતા.
ફિલ્મમાં તાપસી પન્નુ, રત્ના પાઠક શાહ, માનવ કૌલ, દીયા મિર્જા, તન્વી આઝમી અને રામ કપૂર જેવા કલાકારો જોવા મળશે. અનુભવ સિન્હા અને ભૂષણ કુમાર દ્વારા નિર્દેશિત તાપસી પન્નુની ફિલ્મ થપ્પડ 28 ફેબ્રુઆરી 2020માં રિલીઝ થશે.