Rakhi Sawant Acting Academy:આ દિવસોમાં અભિનેત્રી રાખી સાવંત પતિ આદિલ ખાન દુર્રાનીના વિશ્વાસઘાતથી ખૂબ જ દુઃખી છે. રાખીએ અત્યાર સુધી પોતાના પતિ વિશે ઘણા ખુલાસા કર્યા છે. આ સાથે તેને ઘણી વખત જાહેરમાં રડતી પણ જોવા મળી છે. જો કે હવે તેણીની પીડામાંથી બહાર આવીને, રાખીએ તેની કારકિર્દી પર ધ્યાન કેન્દ્રિત કર્યું છે અને એક નવો રસ્તો પસંદ કરી રહી છે. આ દરમિયાન અભિનેત્રીએ તેની નવી એકેડમી પણ શરૂ કરી છે.


રાખીએ તેની એકેડમી શરૂ કરી


હા, રાખી સાવંત દુબઈમાં તેની એક્ટિંગ એકેડમી શરૂ કરવા જઈ રહી છે. આ એકેડમી દ્વારા લોકોને માત્ર ટ્રેનિંગ જ નહીં મળે, પરંતુ બોલિવૂડ ઈન્ડસ્ટ્રીમાં પગ મૂકવાની તક પણ મળશે. એક અહેવાલ મુજબ રાખીએ કહ્યું, "મેં એક એકેડમી શરૂ કરી છે જ્યાં ગલ્ફ અને અન્ય દેશોના મહત્વાકાંક્ષી કલાકારોને બોલિવૂડમાં કામ કરવા માટે તાલીમ આપવામાં આવશે."






રાખી સાવંતનો નવો મ્યૂઝિક વીડિયો 


રાખી સાવંતનો નવો મ્યુઝિક વીડિયો પણ ટૂંક સમયમાં આવવાનો છે. પોતાની પર્સનલ લાઈફને લઈને હેડલાઈન્સમાં રહેલી રાખી ભૂતકાળમાં તેના આગામી મ્યુઝિક વીડિયોનું શૂટિંગ કરતી જોવા મળી હતી. આ સંગીત માટે તે દુલ્હન પણ બની હતી. આ સાથે તેના ઘણા ગ્લેમરસ લુક્સ પણ જોવા મળ્યા હતા. દર્દ અને દુ:ખને બાજુ પર રાખીને રાખીને ફરીથી આ રીતે કામ કરતી જોઈને તેના ચાહકો ખૂબ જ ખુશ છે.


પતિ ઠગ નીકળ્યો!


રાખી સાવંતને વર્ષ 2022માં આદિલ ખાન સાથે પ્રેમ થયો હતો. આદિલનો વિશ્વ સાથે પરિચય કરાવતી વખતે અભિનેત્રીએ કહ્યું કે તે કર્ણાટકમાં એક કાર શોરૂમનો માલિક છે. ત્યારપછી મે 2022માં રાખીએ ઈસ્લામ કબૂલ કરીને ફાતિમા બનીને આદિલ સાથે ગુપ્ત રીતે લગ્ન કર્યા હતા, જેના વિશે તેણે જાન્યુઆરી 2023માં માહિતી આપી હતી. નિકાહના સમાચાર શેર કર્યાના એક મહિના પછી રાખીએ તેના પતિ વિરુદ્ધ પોલીસ કેસ દાખલ કર્યો, હાલ આદિલ પોલીસ કસ્ટડીમાં છે.


આ પણ વાંચો: Rakhi Sawant On Adil: 'આદિલ ડ્રાઈવર છે, ઝૂંપડપટ્ટીમાં રહે છે...', રાખી સાવંત સામે આવી પતિની સચ્ચાઇ, હચમચી ગઈ અભિનેત્રી


Rakhi Sawant On Adil Khan Durrani: 'ડ્રામા ક્વીન' કહેવાતી રાખી સાવંત આ દિવસોમાં તેના પતિ આદિલ ખાન દુર્રાની સાથે ચર્ચામાં છે. રાખીએ થોડા મહિના પહેલા મૈસુરના રહેવાસી આદિલ સાથે લગ્ન કર્યા હતા. હવે અભિનેત્રી તેના પતિ વિશે નવા ખુલાસા કરી રહી છે. હાલમાં જ રાખીએ જણાવ્યું હતું કે આદિલ શોરૂમનો માલિક નથી પરંતુ તે તો ડ્રાઈવર છે.


રાખીએ આદિલ પર લગાવ્યા આરોપ 


હા ગયા વર્ષે જ્યારે રાખી સાવંતે આદિલ ખાનને તેના બોયફ્રેન્ડ તરીકે દુનિયા સમક્ષ રજૂ કર્યો ત્યારે તેણે કહ્યું હતું કે આદિલ બેંગ્લોરમાં એક શોરૂમનો માલિક છે. રાખીએ એમ પણ કહ્યું હતું કે આદિલે તેને દુબઈમાં નવી કાર અને નવું ઘર ગિફ્ટ કર્યું છે. ત્યારથી બંને લાઈમલાઈટમાં હતા. રાખીનો દાવો છે કે તેણે મે 2022માં આદિલ સાથે લગ્ન કર્યા હતા અને તેના લગ્નનું રજિસ્ટ્રેશન પણ કરાવ્યું હતું. જો કે, હવે રાખીએ આરોપ લગાવ્યો છે કે આદિલે તેની સાથે દગો કર્યો છે.


રાખી સાવંતનો પતિ આદિલ ડ્રાઈવર છે


મૈસૂરમાં આદિલ સામે ચાલી રહેલા ઘણા કેસ બાદ તેને ત્યાં પોલીસ કસ્ટડી મળી છે. રાખી પણ મૈસુર પહોંચી ગઈ છે. ગત રોજ તે મૈસુરની કોર્ટમાં ગઈ હતી અને ત્યારબાદ તે તેના સાસરે પણ ગઈ હતી. જોકે તે તેના સાસરે જતાં જ તેને ખબર પડી કે આદિલનો પરિવાર ત્યાં નથી અને ઘરને તાળું મારેલું છે. ત્યારે હવે અભિનેત્રીએ એક વીડિયોમાં રડતાં રડતાં કહ્યું કે તેને હવે ખબર પડી કે આદિલ ડ્રાઇવર છે અને તે ઝૂંપડપટ્ટીમાં રહે છે.


રાખીએ આદિલની ગરીબી પર વાત કરી


રાખીએ કહ્યું કે તેને ખબર નહોતી કે તે અબ્બાસ જીનો ડ્રાઈવર છે. જ્યારે તે આદિલનું ઘર જોવા આવી ત્યારે તેને ખબર પડી કે તે ઝૂંપડપટ્ટીમાં રહે છે. રાખીએ એમ પણ કહ્યું કે તેને ગરીબોથી કોઈ વાંધો નથી, પરંતુ તેણે સાચું તો કહેવું જોઈતું હતું. રાખીએ કહ્યું, “આદિલે મારું જીવન બરબાદ કરી દીધું. હે ભગવાન, તમે ક્યાં છો.