નવી દિલ્હીઃ ભારતીય ટીમના કેટલાય ક્રિકેટરો એવા છે જેને બૉલીવુડ સાથે દિલોનો સંબંધ છે તામમ ક્રિકેટરોએ લોકપ્રિય અભિનેત્રીઓ સાથે લગ્ન કરીને તેને પોતાના જીવનસાથી બનાવ્યા છે. હવે દીપક ચાહરની પણ નજર બૉલીવુડ પર આવી ગઇ છે.
બિગ બૉસ ફેમ વિશાલ ભારદ્વાજની બહેનને ડેટ કરી રહ્યાં છે દીપક ચાહર-
મીડિયામાં આજકાલ દીપક ચાહર જોરદાર ચર્ચામાં આવી ગયો છે. ઇટાઇમ્સની ખબર અનુસાર, સ્ટાર ફાસ્ટ બૉલર દીપક ચાહર કેટલાય દિવસોથી એક્ટર વિશાલ ભારદ્વાજની બહેન જયા ભારદ્વાજને ડેટ કરી રહ્યો છે, બન્ને વચ્ચે અફેર ચાલી રહ્યું હોવાની વાત વહેતી થઇ છે. માનવામાં આવી રહ્યું છે કે બન્ને જલ્દી લગ્નના બંધનમાં પણ બંધાઇ શકે છે.
જલ્દી થઇ શકે છે દીપક ચાહરની સગાઇ-
વિરાટ કોહલી, હરભજન સિંહ સહિતના કેટલાય ક્રિકેટરોએ બૉલીવુડની હીરોઇનોને પોતાની જીવનસાથી બનાવી છે. યુવા બેટ્સમેન કેએલ રાહુલ અને આથિયા શેટ્ટી પણ એકબીજાને ડેટ કરી રહી છે. આની વચ્ચે તાજેતરમાં શ્રીલંકામાં બેટ અને બૉલથી ધમાલ મચાવનારો ક્રિકેટર દીપક ચાહર બિગ બૉસ ફેમ સિદ્વાર્થ ભારદ્વાજની બહેન જયા ભારદ્વાજ સાથે સગાઇ કરવાના મૂડમાં છે. બન્ને જલ્દી લગ્નનાં બંધનમાં પણ બંધાઇ શકે છે. દીપક ચાહર અને જયા જલદી રોકા સેરેમની કરવાની તૈયારીમાં છે, જ્યારે IPL 2021ના બાદ બન્ને સગાઇ પણ કરવાના છે.
શ્રીલંકા સામેની રોમાંચક ટી20માં દીપક ચાહરે અપાવી હતી ટીમ ઇન્ડિયાને જીત-
ભારતીય ટીમે રોમાચંક મેચમાં જબરદસ્ત પરફોર્ન્સ આપીને શ્રીલંકન ટીમને માત આપી હતી. આ જીત યુવા ખેલાડીઓની જીતની સાથે સાથે ખાસ કરીને કૉચ રાહુલ દ્રવિડની જીત પણ કહેવામાં આવી રહી હતી. કેમકે રોમાંચક મેચમાં એકસમયે ભારતીય ટીમ હારની નજીક પહોંચી ગઇ હતી. એક પછી એક વિકેટો ટપોટપ વિકેટો પડી રહી હતી, તે સમયે કૉચ દ્રવિડના ગુરુ મંત્રએ ખેલાડીઓને આત્મવિશ્વાસ અપાવ્યો અને ટીમની જીત થઇ હતી. મેચમાં આઠમી વિકેટ માટે ભુવનેશ્વર કુમાર અને દીપક ચાહરે અણનમ 84 રનોની ભાગીદારી કરી, અને મેચ પલટી નાંખી હતી. ખાસ વાત છે કે આ મેચમાં મળેળી જીત બાદ દીપક ચાહરે મોટો ખુલાસો કર્યો હતો.
એક સમયે ભારતીય ટીમ 193 રનો પર 7 વિકેટ ગુમાવી ચૂકી હતી, અને જીત માટે 14.5 ઓવરોમાં 83 રનોની જરૂર હતી, પરંતુ નંબર આઠ પર બેટિંગ કરવા આવેલા દીપક ચાહરે (Deepak Chahar) 82 બૉલ રમીને 69 રન ઠોકી દીધા, આ રીતે મેચની તસવીર સ્પષ્ટ થઇ ગઇ.