The Kapil Sharma Show Latest Promo: ફેમસ કોમેડિયન કપિલ શર્માનો પોપ્યુલર કોમેડી શો 'ધ કપિલ શર્મા શો' કમબેક કરવા માટે તૈયાર છે. કપિલ શર્મા શોનો લેટેસ્ટ પ્રોમો રિલીઝ થયો છે. જેમાં કોમેડી કિંગ કપિલ શર્મા તેના શોના તમામ કલાકારો સાથે કોમેડીનો રંગ જમાવતો જોવા મળે છે. કપિલ શર્મા શોના આ પ્રોમો વીડિયો સાથે, નવી સિઝન ક્યારથી શરૂ થશે તેની માહિતી પણ આપવામાં આવી છે.
કપિલ શર્મા શોનો લેટેસ્ટ પ્રોમો રિલીઝઃ
જૂન મહિનામાં જૂની સિઝન પૂરી થયા બાદ ધ કપિલ શર્મા શોની નવી સિઝનની દરેક લોકો આતુરતાથી રાહ જોઈ રહ્યા હતા. કપિલ શર્માનો આ શો વર્ષોથી લોકોને ઘરે-ઘરે ફેમસ થયો છે અને લોકોને હસાવી રહ્યો છે. ટીવીના સર્વશ્રેષ્ઠ કોમેડી શો તરીકે, ફરી એકવાર કપિલ શર્મા તેની આખી ટીમ સાથે તમારા બધાનું મનોરંજન કરવા આવી રહ્યો છે. સોનીએ તેના ઇન્સ્ટાગ્રામ હેન્ડલ પર કપિલ શર્મા શોનો નવો પ્રોમો વીડિયો રિલીઝ કર્યો છે. આ વીડિયોમાં તમે જોઈ શકો છો કે, કપિલ શર્મા ઘાયલ હાલતમાં હોસ્પિટલના બેડ પર સુતેલો જોવા મળે છે. આ સાથે તે પોતાના શોના તમામ સ્ટાર્સને ઓળખી રહ્યો છે. પરંતુ આ દરમિયાન કપિલ તેની પત્નીને ઓળખવાની ના પાડી દીધી, ત્યારબાદ શોની જજ અર્ચના પુરણ સિંહ તેને ઠપકો આપતી જોવા મળે છે.
ધ કપિલ શર્મા શો ક્યારે શરૂ થશેઃ
કપિલ શર્મા શોનો આ લેટેસ્ટ પ્રોમો વીડિયો ચાહકોને ખૂબ જ પસંદ આવી રહ્યો છે. સોશિયલ મીડિયા પર કપિલ શર્માના આ શોનો આ પ્રોમો વીડિયો જોરદાર વાયરલ થઈ રહ્યો છે. કપિલ શર્મા શોની નવી સીઝનની વાત કરીએ તો આ કોમેડી શો સોની ટીવી પર 10 સપ્ટેમ્બરથી રાત્રે 9:30 કલાકે પ્રસારિત થશે.