TMKOC Fans Disappointed From Sachin Shroff: ટીવીના સૌથી લોકપ્રિય કોમિક શો તારક મહેતા કા ઉલ્ટા ચશ્માના મોટાભાગના ફેવરિટ કલાકારોએ શોને અલવિદા કહી દીધું હતું. તાજેતરમાં આ શોમાં લાંબા સમયથી ચર્ચિત પાત્ર તારક મહેતાની એન્ટ્રી થઈ હતી. નવા તારક મહેતાની ભૂમિકા અભિનેતા સચિન શ્રોફને આપવામાં આવી હતી. આ શોમાં સચિન શ્રોફનો ઈન્ટ્રોડક્શન પણ કરવામાં આવ્યો છે, પરંતુ ફેન્સ પહેલો એપિસોડ જોઈને નાખુશ દેખાઈ રહ્યા છે. સોશિયલ મીડિયા પર, ચાહકોએ જૂના તારક મહેતાને પાછા લાવવાની માંગ પણ કરી.
TMKOC માં તારક મહેતાની ભૂમિકા અગાઉ અભિનેતા શૈલેષ લોઢાએ ભજવી હતી, જેણે અચાનક શો છોડી દીધો હતો. હાલમાં આ શોમાં સચિન શ્રોફની એન્ટ્રી કન્ફર્મ થઈ ગઈ છે અને શોમાં તેનો પહેલો એપિસોડ પણ ટેલિકાસ્ટ કરવામાં આવ્યો છે. સચિન શ્રોફે ગોકુલધામમાં એન્ટ્રી તો લઈ લીધી છે, પરંતુ તારક મહેતા તરીકે સચિન શ્રોફ ચાહકોને પસંદ નથી આવ્યા
તારક મહેતાના રોલમાં શૈલેષ લોઢાની જગ્યાએ સચિન શ્રોફને જોઈને લોકોએ ટ્વિટર પર જેઠાલાલ અને મહેતા સાહેબની જોડીને યાદ કરી હતી. ચાહકોએ તેમની નિરાશા વ્યક્ત કરતા ઘણા ટ્વિટ કર્યા છે. આમાંના મોટાભાગના લોકો નવા તારક મહેતા (સચિન શ્રોફ)ને સ્વીકારવા સહમત નથી.
આમ હવે આખરે શોમાં નવા તારક મહેતા આવી ગયા છે. ધીમે-ધીમે સચિન શ્રોફને પણ દર્શકોનો પ્રેમ મળવા લાગશે. હવે જોવાનું એ રહેશે કે તારક મહેતાના શોમાં નવી દયાબેનની એન્ટ્રી ક્યારે થાય છે?