બોલીવૂડની આ અભિનેત્રીનું ક્રિકેટર રિષભ પંત પર આવ્યું દિલ

મુંબઈ: બોલીવુડ અને ક્રિકેટનો એક જૂનો અને અતૂટ સંબંધ છે. આપણે બે અલગ અલગ ઈડસ્ટ્રીમાંના એવા ઘણા કપલ જોયા છે જેમણે સુંદર જોડી બનાવી છે. હાલમાંજ અનુષ્કા શર્મા અને વિરાટ કોહલીએ લગ્ન કર્યા. ટીમ ઈન્ડિયાના અનેક સ્ટાર ક્રિકેટરો બોલીવૂડ એક્ટ્રેસ સાથેના અફેર્સને લઈને ચર્ચામાં રહે છે. હવે યાદીમાં વધું એક ક્રિકેટરનું નામ જોડાઈ ગયું છે. જેનું નામ છે ટીમ ઈન્ડિયાનો યંગ ક્રિકેટર રિષભ પંત

ઉલ્લેખનીય છે કે રિષભ પંતની પહેલી વખત ભારતીય ટીમમાં પસંદગી કરવામાં આવી છે. ઈંગ્લેન્ડ સામે શરૂઆતની ત્રણ ટેસ્ટ મેચ માટે તેને જગ્યા મળી છે.

મીડિયા અહેવાલ પ્રમાણે બોલીવૂડમાં ડેબ્યૂ કરવા જઈ રહેલી અભિનેત્રી સૈફ અલી ખાનની પુત્રી સારા અલી ખાનનું દિલ આ યુવા વિકેટકીપર પર આવી ગયું છે. આ બન્નેને ઘણી વખત સાથે સ્પોટ કરવામાં આવ્યા છે. જેને લઈને ચર્ચાએ જોર પકડ્યું છે.

આઈપીએલમાં દિલ્હી ડેરડેવિલ્સ તરફથી રિષભ પંત રમી રહ્યો હતો. ત્યારે દિલ્હીની મેચ દરમિયાન અનેક વખત સારા અલી ખાન સ્ટેડિયમમાં જોવા મળી હતી. આ ઉપરાંત બંનેને ઘણી વખત સાથે સ્પોટ પણ કરવામાં આવ્યા છે. સારા અલી ખાન ફિલ્મ ‘કેદારનાથ’થી બોલિવૂડમાં સુશાંત સિંહ રાજપૂત સાથે ડેબ્યૂ કરવા જઈ રહી છે.

ટીમ ઈન્ડિયાના આ યંગ ક્રિકેટર રિષભ પંતે આઈપીએલ સીઝન 11 માં શાનદાર પ્રદર્શન કર્યું હતું અને સૌથી વધુ રન બનાવનારા ખેલાડીમાં તે બીજા સ્થાન પર હતો.