આ વાયરલ વીડિયોમાં ભરવાડ યુવક સલમાન ખાનની સ્ટાઇલમાં જ હમ આપકે હૈ કૌન ફિલ્મનું લોકપ્રિય ગીત ગાતો દેખાય છે. "યે મૌસમ કા જાદુ હૈ મિતવા...". આ ગીત જે અંદાજમાં આ ભરવાડ યુવક ગાઇ રહ્યો છે એ જોઇને લોકોને સોશિયલ મીડિયામાં ખૂબ જ મજા પડી રહી છે. ઉલ્લેખનીય છે કે આ ફિલ્મમાં સલમાન ખાન, માધુરી દિક્ષીત માટે આ ગીત ગાતો નજરે પડે છે. 1994નું આ ગીત તે વખતે પણ સુપરહિટ રહ્યું હતું. અને આજે પણ એટલું જ લોકપ્રિય છે.
ટ્વિટર પર આ વીડિયો પ્રત્યૂષા રથ નામની યુવતીએ મૂક્યો છે. જે બાદ આ વીડિયો ખૂબ વાયરલ થઈ રહ્યો છે. અનેક લોકોનું કહેવું છે કે આ ગીત, તેની પાછળનું બ્રેકગ્રાઉન્ડ એકબીજા સાથે પરફેક્ટ મેચ થાય છે. 15 સેકન્ડના આ વીડિયોને 1600 લાઇક્સ અને 350 રિટ્વિટ્સ મળી ચૂક્યા છે. વળી કેટલાકે આ પ્રસંગે સલમાન ખાન પર કટાક્ષ કરવાનો મોકો પણ નથી છોડ્યો. એક યુઝર્સે તો ત્યાં સુધી કહ્યું કે "આ ભાઇ સલમાન ખાન કરતા સારા એક્ટર છે.!"