હીટ ફિલ્મો આપનારા એક્ટર પર રેપ કેસ, મહિલાને પોતાના ઘરમાં બોલાવીને અનેકવાર દુષ્કર્મ કરવાનો લાગ્યો આરોપ

ફરિયાદી અનુસાર, વિજય બાબુએ પહેલા તેને ફિલ્મોમાં કામ અપાવવાની વાત કરી, અને તેને પોતાના ઘરે બોલાવી હતી, અને તેની સાથે અનેકવાર શરીર સુખ માણ્યુ હતુ.

Vijay Babu Rape Case: ફિલ્મી દુનિયામાં મહિલાઓ સાથે દુષ્કર્મના કેસો સતત વધી રહ્યાં છે. હવે મલયાલમ ફિલ્મ ઇન્ડસ્ટ્રીના જાણીતા એક્ટર અને પ્રૉડ્યૂસર વિજય બાબુ વિરુદ્ધ દુષ્કર્મનો કેસ નોંધાયો છે. એક્ટર પર આરોપ છે કે, તેને ફિલ્મોમાં કામ અપાવવાના બદલે એક મહિલા સાથે શરીર સંબંધો બાંધ્યા. જાણકારી અનુસાર, કોઝીકોડની રહેવાસી ફરિયાદી મહિલાએ વિજય બાબુ વિરુદ્ધ બળાત્કાર કરવાનો કેસ નોંધાવ્યો છે. 

ફરિયાદી અનુસાર, વિજય બાબુએ પહેલા તેને ફિલ્મોમાં કામ અપાવવાની વાત કરી, અને તેને પોતાના ઘરે બોલાવી હતી, અને તેની સાથે અનેકવાર શરીર સુખ માણ્યુ હતુ. એક્ટર વિરુદ્ધ આ કેસ 22 એપ્રિલે નોંધાયો છે. પીડિતાનો આરોપ છે કે ફરિયાદના ચાર દિવસ વીતી ગયા બાદ પણ પોલીસે એક્ટર સાથે કેસને લઇને કોઇ પુછપરછ નથી કરી. પોલીસે વિજય બાબુના રહેવાસનો પણ હજુ સુધી ખુલાસો નથી કર્યો. જોકે, એક્ટર પર લાગેલા આરોપથી મલયાલમ ફિલ્મ ઇન્ડસ્ટ્રીમાં ખળભળાટ મચી ગયો છે.  

ઉલ્લેખનીય છે કે, વિજય બાબુ મલયાલમ ફિલ્મ ઇન્ડસ્ટ્રીના એક શાનદાર નિર્માતા અને અભિનેતા છે. એક્ટરના ચાહકોની સંખ્યા કરોડોમાં છે. વિજય બાબુએ ઇન્ડસ્ટ્રીમાં કેટલીય હીટ ફિલ્મો આપી છે. તેની ફ્રાઇડે ફિલ્મ હાઉસ નામની એક પ્રૉડક્શન કંપની છે. તેને આ પ્રૉડક્શન હાઉસમાંથી કેટલીય નવી ફિલ્મો બનાવવાની જાહેરાત કરી છે. 

આ પણ વાંચો........