ગૂગલે લૉન્ચ કરી Android P ઓપરેટિંગ સિસ્ટમ, આ 5 ફિચર બદલી દેશે સ્માર્ટફોન યૂઝ કરવાની રીત

ડિઝાઇન ચેન્જઃ નવી એન્ડ્રોઇડ પીમાં ગૂગલે નવી સિસ્ટમ નેવિગેશનની સાથે યૂઝર ઇન્ટરફેસને વધુ સારુ બનાવ્યું છે. આમાં રિડિઝાઇન કરવામાં આવેલું ક્વિક સેટિંગ્સ મળશે. સાથે જ વૉલ્યૂમ કન્ટ્રૉલ, નૉટિફિકેશન મેનેજમેન્ટ અને સ્ક્રીનશૉટને પણ પહેલાથી વધુ સારુ બનાવવામાં આવ્યું છે. આ ઉપરાંત ગૂગલે નવી એન્ડ્રોઇડમાં કેટલાક નાના મોટા ફેરફારો કર્યા છે.

સ્લાઇસેસઃ- આ ફિચર તે એપ્સ વિશે વધુ માહિતી આપશે, જેનો તમે સૌથી વધુ ઉપયોગ કરો છો.

એપ એક્શનઃ- એન્ડ્રોઇડ Pમાં એપ સેક્શન ફિચર આપવામાં આવ્યુ છે, જે એ પ્રેડિક્ટ કરશે કે તમે નેક્સ્ટ કામ કયુ કરવાના છો, જેથી તમે વધુ ફાસ્ટ અને પ્રૉડક્ટિવ રહી શકો. કંપનીએ ઉદાહરણ તરીકે જણાવ્યું કે, જો તમે પોતાના સ્માર્ટફોનામાં હેડફોન લગાવ્યો તો આ જાતે જ તમારુ પ્લે લિસ્ટ ઓપન કરીને આપી દેશે.

એડૉપ્ટિવ બ્રાઇટનેસઃ- આ નવુ ફિચર હવે મશીન લર્નિંગનો ઉપયોગ કરશે. આ દરમિયાન એ સમજવાની કોશિશ કરશે કે યૂઝર્સ અલગ અલગ સેટિંગ્સમાં પોતાની સ્ક્રીનની બ્રાઇટનેસ કેવી રાખવાનું પસંદ કરે છે.

એડૉપ્ટિવ બેટરીઃ- આ ફિચર તમારા દ્વારા સૌથી વધુ ઉપયોગ કરવામાં આવી રહેલા એપ્સ અને સર્વિસ માટે ખાસ કરીને બેટરીને મેનેજ કરશે. આ રીતે બેટરીના બેસ્ટ મેનેજમેન્ટથી સ્માર્ટફોનને વધુ વાર સુધી ચાલવામાં મદદ મળશે.

નવી દિલ્હીઃ I/O 2018 ડેવલપર્સ કૉન્ફરન્સમાં ટેકનોલૉજી દિગ્ગજ ગૂગલે સત્તાવાર રીતે એન્ડ્રોઇડ P મોબાઇલ ઓપરેટિંગ સિસ્ટમને લૉન્ચ કરી દીધી છે. આ નવી ઓપરેટિંગ સિસ્ટમને આર્ટિફિશિયલ ઇન્ટેલિજન્સ અને મશીન લર્નિંગને ખાસ ધ્યાનમાં રાખીને તૈયાર કરવામાં આવી છે. આમાં એડૉપ્ટિવ બેટરી, એડૉપ્ટિવ બ્રાઇટનેસ, એપ એક્શન, સ્લાઇસેસ અને આ રીતના કેટલાક નવા ફિચર્સ આપવામાં આવ્યા છે. અહીં તેના મુખ્ય કામના ફિચર્સ વિશે માહિતી આપવામાં આવી છે.

ગૂગલે જાહેરાત કરી છે કે અત્યારે એન્ડ્રોઇડ પી બીટા Sony Xperia XZ2, Xiaomi Mi Mix 2S, Nokia 7 Plus, Oppo R15 Pro, Vivo X21, OnePlus 6 અને Essential PH 1 ડિવાઇસમાં અવેલેબલ કરાવવામાં આવી છે.