વાયબ્રન્ટમાં મહાત્મા મંદિરનો ચરખો કપિરાજનું સિંહાસન બન્યો, જુઓ તસવીરો

આ ઘટનાને દેશ વિદેશથી આવેલા યજમાન, મહેમાનો, દેશી, પરદેશી, નાનામોટા સૌની નજર મહાત્માના ચરખા પર છેક ટોચે બેઠેલા આ કપિરાજ પર જ મંડાયેલી હતી. વાઈબ્રન્ટના સૌ ઉચ્ચ હોદ્દેદારો આ આસાન સામે વામણા લાગતા હતા.

વાયબ્રન્ટ ગુજરાત ગ્લોબલ સમિટમાં ગાંધીની છબી લોકો સામે મૂકવા એક ભવ્ય ચરખો મૂકવામાં આવ્યો છે. આ ચરખાની ટોચ પર એક કપિરાજ સવાર થઈને વાયબ્રન્ટમાં કાર્યક્રમને નિહાળી રહ્યા હતા, અને તે વાયબ્રન્ટના મહેમાન બન્યા હતા.

ગાંધીનગર: વાયબ્રન્ટ ગુજરાત ગ્લોબલ સમિટમાં ભાગ લેવા માટે દેશ વિદેશના અનેક ઉદ્યોગપતિઓ અહીં આવી રહ્યા છે. ત્યારે આજે ગાંધીનગરમાં ચાલી રહેલા વાયબ્રન્ટ સમિટમાં એક એવી વિચિત્ર ઘટના બની હતી. અને તેને ગુજરાતના એક જાણીતા ફોટોગ્રાફરે પોતાના કેમેરામાં કેદ કરી હતી. ત્યારબાદ આ ઘટનાના ફોટોગ્રાફ સોશિયલ મીડિયામાં વાયરલ થયા હતા.