સમગ્ર ગુજરાતમાં ભારે વરસાદ, ટંકારામાં ત્રણ કલાકમાં 8 ઈંચ વરસાદ

ગીર સોમનાથમાં ભારે પવન સાથે વરસાદ વરસ્યો છે... વેરાવળના મુખ્ય બજાર સુભાષ રોડ સહિતના વિસ્તારોમાં પાણી ભરાયા છે.. નીચાણ વાળા વિસ્તારોમાં પાણી ભરાઇ જવાને કારણે વેપારીઓમાં પાલીકા સામે રાષ જોવા મળ્યો... ગીર સોમનાથમાં વરસાદના આગમનને લઇ ખેડૂતોમાં પણ આનંદની લાગણી છવાઇ છે.. આ વરસાદથી ખેડૂતો સારા પાકની આશા રાખી રહ્યા છે..

બનાસકાંઠામાં સાંબેલાધાર વરસાદ રહ્યો છે. ગુજરાતમાં સૌથી વધુ અસર બનાસકાંઠા જિલ્લામાં જોવા મળી રહી છે. થરાદ તાલુકા ઉપરાંત સુઈગામમાં પણ વરસાદી કહેર જોવા મળી રહ્યો છે. સરહદી વિસ્તાર સુઈગામમાં વરસાદી પાણી ભરાયા છે. ભારે વરસાદને કારણે રોડ પર પાણી ફરી વળ્યાં છે. જેને કારણે વાહન વ્યવહારને તો અસર પડી છે સાથે જ કહેર પણ જોવા મળી રહ્યો છે. સુઈગામ રોડ પર વરસાદી પાણીમાં ટ્રક પલટી ગઈ હતી. જે દ્રષ્યોમાં નજરે પડે છે.

મોરબી: સમગ્ર સૌરાષ્ટ્રમાં વરસાદનો કહેર છે. સૌરાષ્ટ્રભરમાં છેલ્લા 24 કલાકથી ધોધમાર વરસાદ થઈ રહ્યો છે.મોરબીના ટંકારામાં માત્ર ત્રણથી ચાર કલાકમાં આઠ ઈંચ જેટલો વરસાદ પડ્યો. ટંકારીના ડેમી નદી ઓવરફ્લો થઈ ગઈ. જેના કારણે કોઝ-વેમાં કાર ફસાઈ જતા બે લોકો ફસાઈ ગયા હતા.ત્યારે મોરબી કલેક્ટર,ડેપ્યુટિ કલેક્ટર ,મામલતદાર સુધીનો કાફલો ઘટનાસ્થળો હોંચ્યો હતો.

બાદમાં NDRF અને ફાયર બ્રિગેડની મદદથી બચાવી લેવાયા છે. તો ભારે વરસાદના કારણે નદીઓ ગાંડીતુર બની છે. નદી-નાળાઓ ઓવરફ્લો થતાં વાહનો પણ તણાઈ જતા નજરે પડ્યા.ચો બીજીતરફ વાંકાનેરમાં ચાર ઈંચથી વધુ વરસાદ પડતા અનેક રસ્તાઓ પાણીમાં ગરકાવ થઈ ગયા. તો હજી પણ સૌરાષ્ટ્રના અનેક જીલ્લાઓમાં ધીમી ધારે વરસાદ ચાલુ છે. આ તરફ રાજકોટમાં પણ વરસાદનું જોર પડ્યું છે.

આ તરફ રાજકોટમાં પણ વરસાદના કારણે ઘણાં વિસ્તારો પાણીમાં ગરકાવ થઈ ગયા છે.રાજકોટ શહેરના પશ્ચિમ વિસ્તારમાં 30 કલાકમાં સાડા ચાર ઈંચ જેટલો વરસાદ પડ્યો. રાજકોટમાં સૌથી વધુ 13 ઈંચ જેટલો વરસાદ પશ્ચિમ ઝોનમાં વરસ્યો.જ્યારે મધ્ય રાજકોટમાં 10 ઈંચ અને સામાકાંઠા વિસ્તારમાં સાડા છ ઈંચ વરસાદ પડ્યો. શહેરમાં હજુ પણ વરસાદનું જોર યથાવત છે. છેલ્લા 24 કલાકની વાત કરીએ તો રાજકોટમાં છેલ્લા 24 કલાકમાં પાંચ ઈંચથી વધુ વરસાદ પડ્યો છે. ક્યાંક ધીમી ધારે તો ક્યાંક ધોધમાર વરસાદ પડી રહ્યો છે.